dianah840 :

بسبك وبضربك وبهينك وبقذف فيكي ليل نهار مدة 15 سنة انكسر وانتي الوحيدة الي وقفتي معاه وجمبه وذليتي حالك لاهلك عشان تساعديه فالاخر النتيجة رجع العن من اول وبتحكي ما بدي اطلق شوفيلي حل!!! اختي ش بتتوقعي الحل السحري الي ممكن نحكيلك اياه!! متاكدة 90% من الردود هلا بتحكيلك اصبري اصبري اصبري والحل تروحي تعمللي ليالي قوس قزح وتقومي بكل حقوقك وواجبتك بس انا دايما ردودي غير اذا انتي عندك استعداد انك تغيري حالك راح احكيلك حل ورايي بس اذا انتي حابة 15 سنه الي جايين اضلك زي ما انتي بحجة انا المراة الصابرة المضحية عشان اولادي لين ما يجيكي ضربة على راسك تسببلك شي اعاقة فمافي داعي اتعب حالي واكتب بستنى ردك

بسبك وبضربك وبهينك وبقذف فيكي ليل نهار مدة 15 سنة انكسر وانتي الوحيدة الي وقفتي معاه وجمبه...

dianah840 :

شوفي اختي انا طول عمري بحب المراة القوية ..ما بقصد بالمراة القوية الي عاملة عضلات وبتقاتل وبتصرخ وبتاخد كل الامور بعصبية وتسلط لا ..انا بقصد المراه القوية الي حقوقها بتاخدها وما بتسمح لحد يتعدا عليها بدي اسالك يا ترى 15 سنه وانتي متعذبة ..شو بتتوقعي نفسيتك بعد كل هالسنين ونتيجة صبرك!!! سرتي تاخدي حبوب نفسية وبتنضربي بسبب وبدون سبب شو صار بعد 15 سنه بنفسية اولادك؟؟ الكل بحكي ما بدي اشتت اطفالي.. شفيهم وشوفي نفسياتهم راح تكتشفي انهم صاروا معقدين من الزواج ومن ابوهم ويمكن حتى صاروا يكرهوه لانه بضربهم غير الالفاظ البذيئة الي بتنحكالهم. ومتاكدة اولادك بس يكبروا راح يطبقوا نفس سياسة ابوهم مع زوجاتهم وبنات راح تكون شخصيتهم مهزوزة زيك راح انصحك بمجموعة نصائح وانتي خدي الي بناسبك لاني ما بعرف شو هي ظروفك وشو ممكن يفيدك وشو ممكن ياذيكي .. 1- اقرئي سورة البقرة كل يوم وحاولي انك تخليها شغالة بالبيت ..ما احلاها سورة البقرة مفعولها زي السحر بتهدي النفس بطريقة رهيييبة 2- خلي على لسانك الاستغفار(( استغفر الله الذي لا اله الا هو الحي القيوم واتوب اليه عدد خلقه ورضا نفسه وزنة عرشه)) 3- زوجك لازم تغيري تعاملك معاه نهاااااااااائيا ..اولا الفلوس اياكي مره تانية تديني من اهلك عشانه اياكي ثم اياكي ثم اياكي ..هو رجال بقدر يدبر حاله 4- اذا مد ايده وضربك ..دافعي عن حالك اهجمي عليه لا تستغربي بس لا تكوني زي البنت الصغيرة الي بتتخبا بالزاوية وبس بتتخبط ..دافعي عن حالك اضربيه لا تسمحيله يضربك كوني قوية راح ينصدم من ردة فعلك لانها جديدة عليه ..مفكر حاله فرعون زمانه زي الارنب بره بيته وعندك فرعون .. اذا ما بتقدري انك ادافعي عن حالك اتصلي بالشرطة او روحي لاقرب مستوصف خليهم يصوروا الكدمات ويعملوا تقرير وخليه يكتب تعهد انه ما يلمسك مره تانية 5- المره قوتها بشهادتها وفلوسها اذا ما بتشتغلي بنصحك ادوري على شغل تعزي نفسك وحالك ..لما تكون الفلوس بايدك بتقدري تعيلي حالك واولادك وما تحتاجي لحد يذلك على الدرهم هيك بتزداد قوتك قوة ..هيك راح يعرف انه الشغله الي هو مسيطر عليها بطلت معاه(( اغلب الرجال بكره المراه الي معها فلوس لانهم بعرفوا انها بطلت بحاجه الهم)) 6- لا تسمحيله يسبك ابدا ابدا ..اذا قذفك احكيله بتعرف ممكن ارفع عليك قضية بالمحكمة قذف المحصنات وعقوبتها الجلد بالشارع وهي كل الي في البيت شهود عليك حتى الخدامه..عيدي احترام نفسك 7- زيدي ثقتك بنفسك تعرفي على عالم جديدة ادخلي بدورات اذا موقفة تعليمك ارجعي كملي تعليمك وتثقفي شوفي كل حلولي مافيها طلاق بس بدها تغيير 180 درجة بشخصيتك خدي الي بناسبك من النصائح انا مو غرضي اخببك على زوجك ولا اريدلك الاذية بس زوجك خسارة العيشة معاه وصبر اكتر من 15 سنه هيك كتير لازم تتغيري لانك لو ضليتي هيك راح اضلك بنفس الوضع

شوفي اختي انا طول عمري بحب المراة القوية ..ما بقصد بالمراة القوية الي عاملة عضلات وبتقاتل وبتصرخ...