السلام عليكم
كيفكم يا بنات إن شاء الله بخير
يابنات إحنا واقعين في مشكله مع بابا تخيلو إنه مايبغى يزوجنا أنا و أخواتي مو عشان شي تخيلو ليش مايبغى يفارقنا هو ماقالها بالصريح بس كل مايجي عريس يطلع فيه عيوب القطط الفطسه وربي ماأكذب عليكم يابنات
إتصلت حرمه على أمي تبغى تخطب أختي المهم أمي سكرت المكالمه من هنا وقالت لبابا وأبويا نزل تحقيق من هدول ومن وين جابو الرقم إلخ المهم من يوم الحرمه دقت وبابا كل شوي رايح جاي على غرفنا (مدري كأنه أحد قالو الفرح بكره) وأنا قاعده أذاكر أستغرب ليش كل شوي ناط
المهم الحرمه قالت بتجي الخميس وجاتنا اليوم ماشاء الله عليها أم الولد زي العسل من يوم دخلت من الباب وهيا تتكلم وتنكت وتضحك كأنها تعرفنا سنيييييييييين مو كأنه أول مره تشوفنا وماما حبتها مررررررررره لأنه أمي ماتحب الرسميه المهم وقالتلنا عن ولدها دحين أبغاكم تحكموا ولدها عمره 27 سنه ودارس هندسه وقاعد يحضر دراسات عليا وراتبه 5000 ودحين بيزيدوه وقالت أمه شروطه صعبه ويبغى بنت متعلمه زي بنتكم يعني لا قال طول ولا شعر ولا هم يحزنون طبعا الولد يمني وأمه سعوديه وكل عيالها متعلمين لا وجابت صورة ولدها وورتها لأختي المهم بعد ماراحت الحرمه طلعنا إلا أبويا مبوز قامت ماما سألت إختي إيش رأيك قالتلها كبير عليا ! عاد أنا قلتلها من صغرك يا ناس عمرها 20 سنه وتدرس في الجامعه أي صغر ده قامت ماما سألت بابا قالتله بالله كبير قالها إيوه طبعا بعدين قالها وراتبه قليل 5000 قمت أنا نطيت قلت والله الولد مايتعيب أبدا قالي بابا إنتي تسكتي لاتحرضيها وإلا بس تبغي تخلصي من أختك :mad:
أنقرهت منه يابنات والله الولد مايعيبه شي ابويا يقول ماأزوج بنتي واحد راتبه 5000 ريال قلتله أكيد عنده بدل سكن وعلاج راح قال من فين وهو يشتغل في شركه معفنه والله ياناس الشركه عاديه أم الولد أعطتنا كرت ولدها في الشركه على أساس نسأل عنه وهو رمى الكرت كأنه مقروف أول مرهأشوف أبويا كده مغرور مدري هو غرور وإلا إيش أنا هنا عصبت قلتله إنت بتخلينا نعنس على أسباب سخيفه قالي خلاص إتزوجيه إنت قلت أمه طلبت أختي :27: المهم وإنتهى الموضوع بمضاربه حتى عشاء أكل شويه وقام كأن الفرح بكره وضارب بوز لا وبعدين قال أنا ماأزوج الصغيره قبل الكبيره المشكله أنا راضيه
يابنات هادي مو أول مره قبل فترة إتصلت حرمه تخطبني أنا وأختي لولدينها دوبها أمي سكرت التلفون نط بابا قال أنا ماأزوج بناتي لناس مانعرفهم مع إنه مافيلهم ولا عيب كل عريس يجي يطلع في العيوب يمني وإلا سعودي حتى أولاد بلدنا لا مانزوج من دي المنطقه لا مانزوج من المنطقه الفلانيه
بابا لمن إتزوج ماما راتبه 5000 ماما تقولها يقولها الزمن إتغير وماعنده أملاك ولايحزنون لأنه جدو أصلا ماصرف عليه ولا على عمي هما اللي صرفوا نفسهم ودرسوا نفسهم لين وصلو للي هما عليه دحين يعني يحسسنا إننا غير عن كل الناس وإحنا زينا زي كل الناس يعني عشان ربنا أعطانا شوية فلوس نتكبر على الغير وتقوله ماما دحين نفرض ولدك لما يتوضف يكون راتبه كده ونروح نخطبله ويردونا يقولو راتب ولدكم قليل قال بكيفهم
يعني بالعقل يابنات واحد عمره 27 سنه إيش بيكون راتبه 20 ألف مثلا الواحد كل ماكبر كل مازاد راتبه خصوصا إذا معاه شهاده
لا وكلو كوم طل من الشباك ويقول لماما حتى سيارته كأنها صندوق عاد أنا مت من الضحك وقامت ماما قالتله يوم جيت خطبتني كنت راكب بورش على أساس وحتى دحين سيارتنا عاديه وحده كيا وحده لاند كروزر !
ومعبي راس أختي الهبله وقاعده تعوم على عومع كبير الراتب قليل أصلا أنا لازم يجيني طباخ لا ويقول لماما لا خليها تخلص الجامعه وتدرس ماجستير وبعدين تتزوج ومعشمها بيشغلها في البنك اللي يشتغل فيه لأنه لواتبهم عاليه :mad: بالله شفتوا أب يخرب تفكير بناته كده على شي بعلم الغيب
عاد أنا وأمي حزب وهو حزب وأختي تبكي إنتوا تضاربوا بسببي وأبويا كل شوي ناط غرفتها مدري إيش يحشي مخها
عاد أنا حاولت أقنعها لا كن مدري ماما تقولي خلاص أسكتي منها قلتلها جيبي كرت الولد أنا أسأل عنه هههههههههه
بالله إيش الحل مع أب زي كده يبغانا جالسين عنده أمي تقوله هادول بنات وإحنا مو دايمين لهم وهو متعصب
إيش الحل أختي دي مخها قد السمسمه من طبل رقصتله مو زي أعرف مصلحتي عاد اليوم من التعصيب يقولي يالله روحي إتزوجي قلتله أصلا أنا لما بتزوج مابستشير أحد بقولك ابغى وإنت توقع على عقد الزواج لاتقولي راتبه قليل ولا كتير
dr.wewe @drwewe
محررة ماسية
يلزم عليك تسجيل الدخول أولًا لكتابة تعليق.
dr.wewe
•
الله يهدي ابوكم ماودي اتكلم انا تاخر زواجي بسبب ابويالله يهدي ابوكم ماودي اتكلم انا تاخر زواجي بسبب ابوي
مو قصة تبغى أو لا قصة إنه في راسها أفكار كلها غلط وبعدين معروف عمر الزواج بالنسبه للبنت وإحنا مو غاصبينها قاعدين نتكلم عادي بس هيا اللي مدري كيف
محترمته لكن طريقة تفكيره غلط
الله يبعتلك اللي تتمنيه وأحسن منه كمان
محترمته لكن طريقة تفكيره غلط
الله يبعتلك اللي تتمنيه وأحسن منه كمان
حبيبتي بابا تفكيره واقعي واحنا تفكيرنا دايم عاطفي بس النهايه الواقع هو الواقع وانتم اغلى شي عنده وهو عارف ايش يسوي لا تستعجلي
الصفحة الأخيرة
لو انتي الي متقدم لك هنا يحق لك بلي تسوينه بس هو طلب اختك واختك من الاساس مو عاجبها
خلاص برااحتها