شوفو لي حل معاه

السلام عليكم ورحمة الله
انا متابعه المنتدى من زمان
والحين صارت معاي مشكله وقلت مافي غير بنات حواء يساعدوني
اني متزاعله مع زوجي صار لي يومين في بيت اهلي 
ولادق ولاسأل وحاظرني في الواتساب مع العلم عندي ولد وبنت 
المشكله هي
ان بنتي صغيره عمرها 6 شهور ونومها متلخبط كله سهرانه 
المفروض يعني يعذرني ما انام وفوق هذا كله لازم الغذا يبيه الساعه 1 الظهر
المهم قبل يومين سويت الغذا بس قعدت وصرت اسويه واني مستعجله لان لو تأخرت فيه بيسوي لي سالفه
لما خلص وحطيته الا هو يقولي الرز لين وعصب ويقولي سوي لي غيره وهو يصرخ قلت له ان شاء الله وانا ساكته
بعدين جى وراي المطبخ وقام يضرب ويقولي ان حتى غذا ما اعرف اسويه واتاخر فيه مع العلم كله يقولي ان طبخي حلو وياكل الصحن كله
اني عصبت لما ضربني طبعا مو اول مرا يضربني يسويها كل ما عصب 
اتصلت على اخوي وقلت له تعال خذني 
ولما جى ياخذني طبعا مايدري زوجي اني اتصلت له
جاب معاه اختي بس اختي هي الي ركبت لي وهو في السياره عطيتها ولدي وهو مايدري ونزلت معاه وقلت ليها خلي اخوي يركب لي عشان اعرف اطلع اخاف يسكر علي الباب ويضربني سالني وين ولدي قلت له اخذته اختي توه بيقوم يضرني يقول لي ليش ما استاذنتي مني لما عطيتيها اياه خذي أغراضك بوديك بيت اهلك إلا توه اخوي داخل طق الباب ودخل
لما شافه زوجي عصب وقاله اطلع برا قال مابطلع بدون اختي وقالي اخوي البسي وتعالي قاله استناها برا طبعا اني قلت لاخوي لاتطلع عشان اقدر اخذ بنتي الصغيره واطلع اخاف بعد يقفل علي الباب برا
ورحنا لبيت اهلي وللحين لا حس ولاخبر 
قولوا لي من فينا الغلطان
مع العلم من قبل حتى لو ازعل هو مايراضيني اني الي اروح اقوله اسفه 
حتى لما اروح بيت أهلي انا الي ارجع بدون مايجيبني حتى لو هو الغلطان 
لكن قلت هالمرا مستحيل ارجع بدون مايجيني ويراضيني 
مع انه عنيد وادري ان ماراح يسويها .