السلام عليكم ورحمه الله وبركاته
كيف حالكم خواتي الله يفرج هم الي ترد انا زوجي من النوع العصبي والحساس وانا ساكنه بيت جديد ومافي شي واهلي اشتروا لي اغراض لبيتي وحمواني بعد شاركوا فيه وبقى لي مجالس وثلاجه وانا ما استعجلته بشي قلت متى ماصار معك عادي ورمضان كله وانا انزل تحت لاهله اشتغل عندهم واخلي شقتي لبعد الفطور اشتغل فيها وتعبت وانهد حيلي من الشغل وحمواتي ولاوحدة منهم تشتغل شي وصابرة وساكته وامه تاكل علاج وانا دايم اعطيها علاجها بوقته وليله العيد نسيت اعطيها اياه وسالني وقلت له نسيت والله وصار يهاوش وقلت له انا انسان اتعب وانسى وانا مالحق على كل شي وصار يهاوش وقلت له خلاص طيب قالت خلصت ايامك؟ وسكتت ورحت لغرفتي وبعدها نمت ومانزلت ثاني يوم ولا احد سوى فطور وجاء ومالقى فطور تحت عند اهله لانه معتمدين علي ويوم مانزلت ماصلحو فطور وجاني فوق قال ليش مانزلتي تسوين فطور قلت له انت تقول اني انا مااشتغل شي فليش انزل وقال طيب وراح يجيب فطور من اخته وبعد الفطور طلع قال انزليي افطري وتقهوي تحت قلت له مابي انت دايم تهاوشني وتهيني وبعدها ترجع ولاكان شي صار ومن هنا لهنا راضاني ويوم العيد قلت له و\دني لاهلي الصباح وماوداني وجاني وانا نايمه الضهر قالي امشي اوديك قلت له خلها المغرب الحين نايمين ونام هو لما صارت ثمانيه قلت له تقعد امي عازمتنا على العشاء وقال لا ماني رايح وانتي مو رايحه لاني قلت لك الضهر وعيتي وسكتت وجاء الفجر وقالي ل امشي لاهلك ورحت وكنت جالسه مع ابوي وقالي ابوي بيتك وش ناقصه الحين قلت له ثلاجه ومجالس قال خلاص انا ابشتري لك ثلاجه وقلت استشير زوجي ويوم قلت له ابوي بيهدينا ثلاجه شرايك قال انتي قررتي خلاص قلت له انا ماقررت لو قررت كان جبتها معي وجيت انا اخذ رايك قال لاتاخذين رايي وقلت له وش فيك زعلان لك ثلاث ايام ومشين نفسك علي اذا انا مضايقتك بشي صارحني قلب الدنيا علي وصار يهاوش ويسب ويلعن وشوي ولا ام زوجي دقت علي وتقول لي ليش تغثين ولدي وقلت لها السالفه قلت وش سويت انا كنت ناويه اساعدة وش غلطت فيه واسمعه يسب ويشتم وسكروا واليوم كله مادق ولا ادري عنه وخلاني عند اهلي انصحوني وش اسوي وهل انا غلطت بشي
والله يابنات اني ماخليت شي ماسويته له وامه حاطته فوق راسي واعطيها الهدايا واشتغل لها وكل شي اسوي بدون منه بس يقهرني كثير ومرة تهاوشنا وضربني ببراد القهوة وهي ساخنه وحرقت يدي
اخت ديدو @akht_dydo
عضوة نشيطة
يلزم عليك تسجيل الدخول أولًا لكتابة تعليق.
لا والله ما غلطتى بس طيبتك بزياده معاه هى الي ضيعتك انتبهي مو كل شي اهلك يجيبونه لكى هذا بيته وهو يتحمله بكره يتعود مايجيب شي لكى
كنت بقولك هذا مايستاهلك اتركيه وخوذي اللي اطلق منه بس يوم شفت توقيعك اكتفي بكلمة الله يعينك على مابلاك
الصفحة الأخيرة
انتي ما غلطتي بالعكس كثر الله خيرك ،، قمتي فيهم والله يكتب لك الأجر
اجر تفطير صايمين ،،
استغفري ربي كثير كل يوم ألف مره ب نية ان الله يصلح الحال ،، وبأذن الله ان ربي يسخره لك ،،