شوفو مصيبة جارتي مسكينه الحكيمه ترشدها

خواتي جارتي بحاله ما يعلمها الا رب العالمين زوجها كان يسوي مع بنته شي وسخ حسبي الله عليه مقدر اوضح وهي ما تدري وكان يقفل الغرفه ويقول العب مع بنتي وهي بسادس واستمر معها فتره لحد المتوسط وطول هالفتره امها ما تدري ومره جات مشكله عابره وزعلت عند اهلها واستغل زعل الام وغيابها والاولاد عنده ولعب بذيله زياده والبت مسكينه راحت وعلمت اخوها الي اكبر منها وقال انا بكلم ابوي وانتي لا تعلمين امي اذا عرفت بتطلب الطلاق وبنضيع وبياخذك ابوي عنده وبيسوي فيك شي اكبر وخافت البنت مسكينه وكلم الولد ابوه وقال ترا بعلم عليك كف يدك عن اختي عيب الي تسويه والاب خاف بس صار يلمسها ويزعجها بحركاته ويتلصق فيها


والبنت جلست فتره وما زالت تسرح وتفكر ونزل مستواها الدراسي والان هي باالثانوي مستواها نازل مره ونفسيتها تعبانه وتتخيل ابوها بالحقيقه وبالاحلام يجيها وفيها خووف
الاب مافيه خوف من الله وقليل صلاة
والام لسا تو عرفت لها يومين بعد ما كتمت البنت وانفجرت على امها وعلمتها ما تحملت الكتم والام الان بحال ما يعلمه الا الله صعبه تفضح الاب عند اهله وعند اهلها راحت وكلمته وانفجرت بوجه وقالت بفضحك وانت سببت عالبنت جرح كبير وشلون بنعالجه حرام تقتل طفولتها بسبب شهوه او نزوه شيطانيه قال كله من الشيطان لعنة الله عليه ويقول والله ما جيتها بس كله من برا لبرا يعني هي بنت الحمد الله على كلامه وانا متندم اشد الندم وبعوض بنتي بكل شي وبعدل نفسيتها و و و والاب خايف الحين من تهديد الام


المهم الام الحين مصدومه تقول كل ما اقوم من النوم بس ابكي جاتها حاله نفسيه وشلون بنسى الي صار وشلون البنت بتنساه تقول لو رايح للحرام اهون علي من بنته هذي جزاة الي تثق بزوجها وتقول بروح لطبيبة نساء وولاده عشان اطمن عليها


والام الحين محتاره تروح لمين تخبر مين تبلغ عنه ولا تستر عليه ولا وش تسوي تبي نصيحتكم هو خاف يوم قالت له قال سامحيني ربي يسامح انتي مراح تسامحيني الله غفور انتي مراح تغفرين مراح اسويها مره ثانيه وعد ومن هالكلام ولا ودها تعلم اخواتها حتى تقول صعبه اشوه سمعته وبنتي بعد مسكينه تتأثر


انتم ايش رايكم تستر عليه ولا تفضحه




والبنت كيف تخليها تنسى هالشي اثر فيها وبنفسيتها وبدراستها صارت ما تركز وصارت تكره ابوها وتتمناله الموت


كيف يتم علاج بنتها تبي نصايحكم وشلون تعالجها تحتاج طبيبه نفسيه ولا كفايه ان اسرتها تعوضها وتعالج الحاله




انتم ايش رايكم الام تقول انا ملاحضه على بنتي التغير واسأل بنتي تقول مافيني شي وتقول شكيت قلت شكلها متعرفه على واحد وحابته وهايمه فيه وتفكر واتاريها مسكينه تعاني من حركة ابوها


وتقول كنت استغرب من كلام بنتي تقولي احيانا يمه انا اكره ابوي ودي يموت ودي يطلقك واروح معك تقول كنت استغرب كلامها وتقول اذا ارسلتها تودي شي لبوها تقول مبي اروح تتنرفز وتتضايق الله المستعان




وجارتي بتقرأ ردودكم كلها الحكيمه ترشدنا للحل والعلاج والي مرت بهالشي ولا تعرف احد ترشدنا ايش سوت


جزاكن الله خير