شوفوا مكينة الخياطه وش تقول
اولا مكينتنا:
بسم الله عليه من ولع النور ايه هاذي ام؟؟؟؟؟
يالله خير وش ذكرها فيني راميتني
لها سنتين يمكن حن عليه زوجها ابو؟؟؟؟؟
ويبي يحطني بصندوق قزاز علشان يتذكر تعب امه لما كانت تكد عليه
زي ماقال بس ذا الكلام قبل 4 سنين
يله نشوف وش بيسوون فيني
ياخبر اليوم بفلوس بكره ببلاش
بسم الله عليه وش في الحرمه استخفت مره تحط الجوال فوقي
ومره تحتي ومره عند ابرتي
يامثبت العقل والدين
وي وي الحرمه فرحانه بسم الله استخفت
اهااهااها
واخيرا عرفت السالفه يقولون
يبون يبيعوني بمية الف عشان عندي
زئبق يقولون فيه اشاعه انه اللي فيها ذي الماده سعرها يزيد وانه بيودوني
الكويت بيسوون مني صواريخ
عاد يخلون
التكنلوجيا وياخذونى
يالله يمكن بيركبون لي جناحين صاروخ
ويرسلوني اسرائيل
يالله شهيده ولا ذي الحبسه في ذا
المخزن
ثانيا : مكينة ام محمد
اليوم صديقة ام محمد داقه عليها مو عوايدها لها كم سنه ماتكلمها
يالله عساه خير بسم الله تقول تبيني عشان بنتها مسكينه وتبي تخيط
وتبيع لان زوجها على قد حاله
معقوله يا ام محمد تفرطين فيني
بعد ذي السنين يالله تقول ام محمد ان صديقتها بتمر بكره وتاحذني ايييه الله المستعان
ابو محمد جا ان شاء الله يرفض انها تاخذني صديقة ام محمد
يالله ياكريم ابو محمد بغى يذبح ام محمد
يقول انتي مجنونه تفرطين في وجه السعدوالخير اللي بتجيب لنا الخير
يقول يالمجنونه صديقتك تبي تبيعا
ب250 الف الدنيا مولعه يدورون للمكينه
هاذي دوار ماغير انثبري وجيبي المكينه بسرعه خلنا نجرب الجوال عليها
يقولون اذا راحت الابراج يعني فيه
زئبق يعني نبي نسير اصحاب فلوس
يقولون ان الزئبق الاحمر يدورونه الحكومه
عشان يطلعون فيه الذهب من الارض
الله اكبر الله اكبر هذا انا المكينه الخايسه من سنين بطلع الذهب
ليه وين راح الزئبق خلص ولا بقي الى عندي يالله اثاريني مهمه وانا مادري
ثالثا: مكينة ام راشد
تحكي قصتها وتقول
سمعت بنت ام راشد وتقول يمه راشد كلم يقول انا بالمطار عندكم توني واصل
نص ساعه وجاي
ام راشد يابعد عمري ياوليدي يا حشاشة جوفي البارح طول الليل افكر فيه له كم سنه ماشفته ودعيت ربي اني اشوفه قبل لا اموت
جرس الباب مين راشد حبيبي
ياوليدي يابعد عمري ماني مصدقه عيوني
انك قدامي وش لونك وش لون عيالك
ليش ماجبتهم اشوف عيال الغالي
راشد يقول يمه مشاغل وتعرفين ضروف العمل وغلا التذاكر والعيال بغيت اجيبهم بس المدارس يمه احرمتنا من شوفتك يالغاليه
بس اوعدك اجيب ام راشدوالعيال
بالصيف عشان نشبع منك يالغاليه
ساعه مرة وراشد براسه حكي مايعرف كيف يطلعه
واخيرا تكلم راشد وقال يمه تذكرين يمه يوم كنتي تخيطين لنا ثيابنا الله كانت ايام
وكنتي تخيطين للناس عشان تصرفين علينا بعد مامات ابوي والله انك ام مثاليه
وما ننسى فضلك بس اقول يمه وين المكينه ذيك ابي اخليها عندي عشان
ما انسى انك رملتي علينا
وام راشد تقول بنفسها وش سالفة ذي المكينه
وبعدين ردت لراشد وقالت والله يوليدي
اخوك سالم كلم امس من القصيم
يقول اشحنوها لي يقول عندهم حفل تراثي وبيعرضها بالحفل
راشد يصارخ يقول لا انا باخذها
والله ان عطيتيه ماتشوفين وجهي
والام في حيره مو فاهمه السالفه
اتمنى انكم مو انا ولا ام محمد ولا ام راشد
اختكم الشاطره حواء
لا احلل من يسرق موضوعي وينسبه
لنفسه
