شوفو موقفي الي يفشششل!-_-!

السلام عليكم

سلام يااحلى بنوتات حواء

صار لي موقف من الفشيله ماعرفت وين اتوزى << يعني (اتخبى) فيه الا الحمام عزكم الله
مره من المرات وانا افحط بالبيت
جيت نازله من تحت ناصيه الخيمه <<(بيت الشعر) عندنا في الحوش <<(السور) واجي طاااايره وادندن متزاينه صوتي انا وجهي
المهم وانا فاتحه كشرتي واجي ادخل بكل ثقه الخيمه على خبري الي فيها امي:icon28: واختي:55: وابوي:arb: وكانو مدري يتقهون او يشربون شاهي
المهم وبكل ثــــــــــــــــــــــــــــــقه اجي وانا ادندن << لاتنسونها
ولابسه نظااارتي :rolleyes: الي تنشاف من بعد ست كيلو << ياشين الاراااانب (الكذاب يحطه الله بالنار) خخخخخخ
اقصد يعني بروازها كبير وكنت مشخصه بقميص برتقااالي
المهم واجي طااايره وادخل الخيمه
وشوفو المفاااجئه





























من لقيييت












لقيت ياطويلين العمر
















خلاص خلاص بقول لاتقفلون الموضوع


ولقيت ابوي مشخص:arb: وعازم الجيران
ابوي ومعه اثنين شيبان كبار بس مو مره طبعا شافني ابوي وعرفني وواحد من الشيبان شافني والثاني معطيني ظهره يعني ماشافني

والله واصنم انا واقعد اتمقلهم
مدري وش صار لي من الصدمه
قعدت افكر وين امي اختفت معقوله تحولت لشايب واختي وينها؟؟ يمكن هي الشايب الثاني
شافني ابوي وعرف انه انا وانا دوروني ذاك الوقت صرت كني نمله من الفشيله


والله واستوعب عقب كل هالتفكير اني خشيت على رجال مو محارمي والله واجمع ماي فيس واللقطه وانحش للمطبخ الي داخل الفله والله والقى امي تزين القهوه ومن الخوف اقعد اضحححححك <<<حمدلله بس على العقل

واقول لامي يمه ليش ماقلتو لي انه في رجال بالخيمه
وامي تناظرني بنظره وهي فيها الضحكه وقالت عسى مادخلتي بس
واعطيها انا نفس النظره واقول اجل وشلون عرفت انه عنده رجال دخلت وبغيت اتقهوى معهم بعد خخخخخ
وتقعد امي وتضضضضحك
وانا من الخوف مادري وش اسوي
قلت يمه اذا جا ابوي قولي له ترى محد دخل الخيمه << حسيت انها غبيه شوي هالتصريفه وبعدين قلت لا يمه خلاص قولي له انه الشغالهالي دخلت مو انا خلاص وامي وهي تضحك قالت ليش قلت انا اخاف يعصب علي وقولي له اني انا بالحمام تتسبح قولي اصلا هي مانزلت تحت علشان اتروح للخيمه قالت خلاص بقول له:

واضف نفسي ورككككض على الدرج والله واقعد ادهن شعري علشان لو شافني ابوي اقول له اني مانزلت انا فوق ادهن <<<وش رايكم بالتصريفه
المهم وادهن وانزل لامي طبعا مابعد راحو الرجال واجي لامي واسئلها جاك ابوي قال شي ؟؟
قاامت تضحك للمره الثالثه قلت وشو قالت ايه جا قلت هاوش قالت لا ماهاوش بس جا وقال (فلانه)<<يعني انا بغت تدخل علينا قالت امي لا مو هي هاذي الخدامه قال ابوي لا فلانه :rolleyes:<<يعني انا قالت لا لحول الخدامه قال انا شفتها زين فلانه :rolleyes:
المهم قالت امي ايه ترى هي الي بغت تدخل بس ترى هي قالت لي لاتقولين لابوي وقالت لزقيها بالخدامه << رحمتها الخدامه

وش رايكم
خخخخخخخخخخخخخخخخخخخخخخخخخخخخخخخخ
حلوه وش رايكم


هاذا موقفي الله لايعيده يااارب

وانتم ياحلوات اكيد بعضكم صارت له مثل هالمواقف الي صار لها تكتبه لنا هنا علشان نتعظ <<نتعظ مو بمكانها
المهم الي صار لها مثل هالمواقف المفشله تسدحها هنا


وشكرا