السلام عليكم ورحمة الله وبركاته
يوم العيد اللي هو الثلاثاء رحنا بيت ابو زوجي وقعدنا ساعتين وبعدين رحنا نزور باقي الاهل وبيت ابوي قعدنا نص ساعه ورجعنا بيت ابو زوجي وقعدنا من المغرب لين اخر الليل
يوم الاربعاء زارونا عيال اخت زوجي وخططو معاه لطلعة البر اليوم الثاني
الخميس طلعنا البر من الصبح لين المغرب
الجمعه تغدينا في مطعم وخذنا لفه في السوق والساعه 8 بالليل خلصنا وبما انه السوق قريب بيت ابوي قلت لزوجي ابغي اروح بيت ابوي قالي انا تعبان وابغي ارد البيت
ونحن راجعين البيت اشوفه لف للشارع اللي يودي لبيت ابوه قلت وين رايحين قالي بيت ابوي
قلت له ليش ما سالتني يمكن انا ما ابغي اسير هالوقت قالي بس بنسلم وبنطلع
رحنا وقعدنا وتعشينا وطلعنا متاخرين و اناسكت وما قلت شي
السبت الظهر قلت له نروح بيت ابوي قالي لا ما له داعي اليوم
وانا زعلت وطلعت من الغرفه وبعدين وانا اغير ملابس بنتي سالني عن غرض قلت له ما اعرف بصوت مبين علي اني زعلانه وعلى طول جا عندي وقعد يصارخ ويقول لا تكلميني بهالاسلوب لاني اعرف انك زعلانه وما بتموتين اذا ما رحتي بيت ابوكي
وضربني برجله مرتين وانا ساكته
وطلع العصر مع صديقه ورجع بالليل وانا نمت وما كلمته
والصبح جهزت بناتي للمدرسه وجهزت اغراضه هو وطلع وما كلمنا بعض
بعد ما طلع شفته حاط الصورة في البي بي مكتوب عليها وقتك معي خلص
للعلم بيت ابوه قريب من بيتنا اقل من 5 دقايق ونحن واصلين
بيت ابوي 20 او 25 دقيقه لين نوصل
بيت ابوه مرات نروح مرتين بالسبوع
بيت ابوي مرات نكمل شهر وانا اسكت وما اقوله شي
بالله عليكم منو اللي لازم يزعل انا والا هو
دايما يزعلني وانا اللي اراضيه مع انه هو اللي لازم يعتذر
شو اسوي هالمره ما ابغي اعتذر
قولو لي كيف اتصرف
يلزم عليك تسجيل الدخول أولًا لكتابة تعليق.
زينة الغيد
•
بسراحه هو ماله حق يزعل يعني حلال عليه حرام عليك قولي له زي منت ماتصبر عن اهلك انا بعد ما اصبر عن اهلي..
الحين هو في الدوام
ما اعرف شو اسوي يوم بيرد
هل استقبله عادي وانسى الموضوع
والا ابين له اني زعلانه من تصرفه
ما اعرف شو اسوي يوم بيرد
هل استقبله عادي وانسى الموضوع
والا ابين له اني زعلانه من تصرفه
طيب حبيبتي انتي عندك اخوان ؟
يعني مثلا لو هو مايبي يوديك خلي اي احد من اخوانك يجي يوديك.
وبا النسبه للأستقبال انا مو عارفه اذا انتم من زمان كذا يعني صعبه تزعلين الحين اذا هو من زمان كذا
لا كن انتي الحين سوي عادي وكأنك نسيتي الموضوع لانه ماراح ينفع تشدون من الطرفين انتي خليك لينه شوي واذا روق وحسيتي انه مبسوط ويضحك ناقشيه بها الموضوع
وبا النسبه للضرب وربي مو عارفه ايش اقولك يعني ممكن اسكت عن كل شي الا الضرب مهما كان السبب
لانك اذا سكتي اول مره راح يتمادى ..
اعذريني هذا الي عندي اتمنى لك التوفيق واسأل الله ان يسخره لك وانتي اكثري من الاستغفار وربي يفرجها
يعني مثلا لو هو مايبي يوديك خلي اي احد من اخوانك يجي يوديك.
وبا النسبه للأستقبال انا مو عارفه اذا انتم من زمان كذا يعني صعبه تزعلين الحين اذا هو من زمان كذا
لا كن انتي الحين سوي عادي وكأنك نسيتي الموضوع لانه ماراح ينفع تشدون من الطرفين انتي خليك لينه شوي واذا روق وحسيتي انه مبسوط ويضحك ناقشيه بها الموضوع
وبا النسبه للضرب وربي مو عارفه ايش اقولك يعني ممكن اسكت عن كل شي الا الضرب مهما كان السبب
لانك اذا سكتي اول مره راح يتمادى ..
اعذريني هذا الي عندي اتمنى لك التوفيق واسأل الله ان يسخره لك وانتي اكثري من الاستغفار وربي يفرجها
الحين صار له ساعتين في البيت وما يتكلم معاي وانا نفس الشي
ابغيه هو يبادر بالكلام لانه كل مره انا اللي ابدا لو هو غلطان في حقي في كل مره
ابغيه هو يبادر بالكلام لانه كل مره انا اللي ابدا لو هو غلطان في حقي في كل مره
لا لاتكلمينه الحين مايوديك لهلك ويوديك بيت اهله بدون مايقولك ويضربك وبعد مايبيك تزعلين والله لونك جاريه
الصفحة الأخيرة