شوفو هالبنات قليلات الادب

السلام عليكم
قبل يومين كنت في احد الاسواق الصغيره شرق الرياض وبعد ماخلصت طلعت برى السوق وجلست على الكراسي الخارجيه انتظر زوجي وكان بجنبي حرمه جالسه متنقبه مثلي( عبايتنا كتف واسعه وعاديه مافيها زخارف ولا الوان)
و بعدين جو بنات حوالي الخمس او الست كاشفين وجييهم ومكياج كامل والعبايات مفتوحه وجلسو على الكراسي اللي جنبنا ....
ويسولفون وبعد عشر دقايق قامو واسمعهم يقولون يالله بنروح التحليه
وهم واقفين و يستعدون للرحيل...
تجي وحده منهم وتمسك نقاب الحرمه اللي بجنبي وانا اطالع في ذهووول
قالتلها فيه شعره طالعه منك مسكينه شكلها كانت مكتومه دخليها حرام هالكتمه وتلتفت تضحك على صديقاتها ويمشون
طبعا الحرمه ساكته وانا جتني صدمه من جراءتهم
اقسم بالله اني ابغى اقوم اكفخهم و ماردني الا عيالي اخاف عليهم ولا احد يصورني وينتشر المقطع
يعني متبرجات ويفتنون ازواجنا وعيالنا واحنا ساكتين ومتحملينهم ومعطينهم حريتهم القذره وفوق هذا كله تتجراءون على حجابنا بعد
الظاهر يحسبون يوم مافيه هيئه يعني خلاص الدنيا فوضى
الحمدالله الموقف ماصار فيني ولا الله وحده العالم وش بينتهي عليه