كيفكم يااحلى وااجمل ماااخلق ربي .. ان شاءالله انكم طيبوووون
المهم جايبتلكم اليوم وجبه انما ايه تخليكم تبطلون هارديز وماكدونا وكنتاكي وهالخرابيط كلها
سويت عشا انا واختي وبنت جيرانا وصورتلكم المقادير والطريقه وحده بوحده
ويعلم الله اني ماابي منكم الا دعوه صاااادقه بظهر الغيب ان الله يحققلي امنيتي فالدنيا ويرزقني واياكم الجنه في الاخره
يلا بسم الله نبدا بالمقادير ,,,,,
نص دجاجه او حسب الافراد احنا بس ثلاثه فقلت تكفينا بالراحه
جبنه سائله
علبة قشطه
علبة فطر
شوية ملح وشوية فلفل
قرفه وحبة هيل ومسمار
ومقادير الصلصه طبعا انا سويت كوكتيل ,,,
شطه ... مايونيز ... كاتشب
وبطاطس مقطعتها من بدري وجاهزه للقلي ...
اول حاجه نسمي بالله وننظف الدجاج من الجلد وكل حاجه
ونسلقه ونحط معاه شوية ملح وقرفه وحبة هيل ومسمار بس ..
بعدين نتركه يبرد شوي ونقطعه صغار صغار زي الشاورما بالزبط ونشيل العظام
كلها يصير زي كذا شكله ..
ونصفي الفطر من المويه ..
بعدين نجيب مقلاه ونحط فيها شوية زيت ..
ونضيف الفطر على الزيت ونحمسه شوي
وبعدين نحط الدجاج ونحمسه مع بعض الين يصير اشقر لونه ..
ونكون حضرنا ملعقة جبنه سائله مع علبة القشطه
وشوية ملح وفلفل ونخلطها مع بعض مو ضروري بالخلاط
بالخفاقه اليدويه تكفي ونصبها على الدجاج والفطر بعد مااتحمر مع بعضه
وهذا شكله ...
ونجهز الصلصه الكوكتيل ع بال البطاطس ماتنقلي ...
وخلا ص خلصنا اللحين نقدم هالوجبه الخفيفه اللذيذه بين ايديكم
وان شاءالله تتهنو فيها ياااااارب ..
طبعا انبسطنا مره وحمدنا الله وشكرناه اللي اطعمنا وسقانا من غير حول ولا قوة منا
وارسلنا السواق يجيب لنا ايسكريم من البقاله عاااد والله سويتلهم العشا
ومو فحااالي اسويلهم الحلا كمااان وبعد ماروحت بنت الجيرااان تضاااربنا انا واختي على
غسيل الصحون هي تقول انت وانا اقول لا والله مااسوي عشا واغسل كمان
خبركم الشغاله مسافره والوالده رايحه عرس ولا ماتلقونا تضاااربنا
بس بالنهايه تراضينا هي تغسل وانا اشطف <<< هههههههههههههههههههههه
يلا حباااايبي انتظروني في اكله خفيفه قاااادمه ان شااااءالله ,,,,
يازين العزوبيه