اليوم وحنا بالثمامه اللي عند الدوار اللي فيه الدبابات وسيارات اللآيسكريم تعرفون اكيد
وكان المكان مررره زحمه ناس وشباب يدورون بسياراتهم واغاني وجنبنا ناس عندهم بنات يمكن 4 بنات المهم ركبت وحده الدباب مع اخوها الصغير وساقت شوي وماعرفت بغت تطيح جاء اخوها يقول لها يالله بس انزلي ماتعرفين تسوقين
وهي تضحك بصوت عالي
شوي اخذو الدباب اخواتها ثنتين وركبوا على الدباب اللي تسوق لابسه جينز سكيني ولثام ونظارات يعني ملفته وقامت تسوق عندنا رايحه وجايه والكل يطالع فيها
قمت طلعت جوالي كأني ابصورها عشان تخاف وتنزل ,
واسوي نفسي كأني اصور وانا والله ماعندي نيه اصورها وش ابي فيها - يع - يكرم جوالي عن هالاشكال
وهي ماصدقت خبر تفكر اني اصورها وقامت تستعرض زياده وتزيد في السرعه ورايحه وجايه
وكان وقت صلاة العصر وزوجي رايح للمسجد اللي عند الشارع يصلي
والكل يدور وماصلو الله يهديهم وهي صايره محطة انظار اشباب وشوي وتصدم في دباب كان عليه اطفال بس صدمه خفيفه لكن طاحت على الارض هي واختها انا من فرحتي ماادري وش اللي خلاني اقول بصوت عالي احسسسن تستاهل
الا اخوها جاي مسرع يبي يقومهم وسمعني وقالي بصوت عالي وش دخلك قلت له ايه احسن
تستاهل ماتخافون من ربي مخلي خواته محط انظار الشباب
ورفع صوته يبي يهاوش قلت له اسكت ولا بلغت الهيئه قالي بلغي ماعنده في احد عارف ان مااحد بيسوي شي وين دور الهيئه عن هالحريم اللي يدورن بهالدبابات ويستعرضون قدام الناس وياليته لبس ساتر عباة ضيقه تبين الصدر وبنطلون جينز سكيني ولثام
وقوم اخته ولا اهتم في نظرات الشباب وشكله ماعنده غيره ابدااا الحمدلله
ولا هي لحالها يمكن اربع او خمس حريم يدورون
الله يهديهم
لا ويبون يسوقون بعد !!!! عجبي والله
يارب كل وحده تدور وتستعرض بالدباب قدام الشباب يااااااااااااااارب تطيح وتتفشل امييييين
وش رايكم باللي حصل؟؟
اميره بحيره @amyrh_bhyrh
محررة ذهبية
هذا الموضوع مغلق.
سدوونه 2
•
لا حول ولا قوة الا بالله
مستانس الغبي يحسب هالشئ حلو
ما درى لو ان الشباب بعدين يلاحقونه
ويطيح الفاس في الراس
متى العالم تتمشى وهي محترمها نفسها
الواحد طالع يتونس ما يبي يجيب لروحه المصايب
بس انت طلعت ماشاء الله عليك بنت رجال
الله يحفظك ويقويك بالخير
مستانس الغبي يحسب هالشئ حلو
ما درى لو ان الشباب بعدين يلاحقونه
ويطيح الفاس في الراس
متى العالم تتمشى وهي محترمها نفسها
الواحد طالع يتونس ما يبي يجيب لروحه المصايب
بس انت طلعت ماشاء الله عليك بنت رجال
الله يحفظك ويقويك بالخير
هذا يدل على تربيتهم والأهل مسؤولون عن تربية أولادهم لكن في هالزمن خلاص الأهل بس يجيبون أولاد
ويتركونهم للخدامه أو للقنوات الفضائيه تربيهم
والهيئه ماقصروا في شي لكن الناس إذا نصحوا قالوا وش دخلهم حنا أحرار وإذا شافو شي مايعجبهم قالوا وين الهيئه الله يقويهم وينصرهم على أعدائهم
مشكووووووووره على طرح الموضوع
ويتركونهم للخدامه أو للقنوات الفضائيه تربيهم
والهيئه ماقصروا في شي لكن الناس إذا نصحوا قالوا وش دخلهم حنا أحرار وإذا شافو شي مايعجبهم قالوا وين الهيئه الله يقويهم وينصرهم على أعدائهم
مشكووووووووره على طرح الموضوع
الصفحة الأخيرة
تعجبيني ..
يختي أنا أنقهر من ذا الأشكال وأسكت .. حبيبة أنا مانيب أحارش ..خخخخ