الله يجزاكم خير

بنات الله يسعدكم ارفعو الموضوع ابغا تجارب اكثر

اختي انتي لما استخدمتي الحلبه كنت تبين النعومه ولا شي يفيد للشعر

اذا كنتي تبين النعومه فالحلبه ما تنعم الشعر بالعكس يمكن تخشنه .. واذا تبين النعومه جربي هالوصفات

بنات شئ رهيب نعم شعري بشكل أذهلني ..
http://forum.hawaaworld.com/showthread.php?t=3819227

قولوا ماشالله تحول شعر ي من خشن متساقط قصير متقصف الى ......
http://forum.hawaaworld.com/showthread.php?t=1804211


واذا كنتي تبين شي يفيد الشعر .. فاستخدمي هالخلطه اللي من اسبوع بديت استخدمها وفعلا نتايجها حلوه وعاجبتني

اولا خل اقولج انا قبل كنت اعاني من التساقط الشديد وبعدين من الادويه اللي خذيتها من طبيب الجلديه تحسن شعري وخف التساقط بنسبه كبيره ولما خف التساقط ورد شعري طبيعي قلت خل اتجه للأشياء الطبيعيه واستخدمت وايد اشياء .. والحين حاليا قاعده استخدم محلول منقوع الحلبه أو بالاصح تونك الحلبه

ييبي الحلبه وطحنيها وصبي عليها ماء حار وغطي المحلول .. وحطي اشوية ماي حار علشان المحلول يطلع مركز .. وتركي المنقوع يتنقع حوالي يوم او اقل .. وبعدين مع القطره (القطاره اللي تيي مع الادويه) وزعي المحلول على فروة الراس .. ودفي المحلول اشويه قبل لا تحطينه على فروة الراس بس لا يكون حار علشان لا تحرقين بصيلات الشعر يعني يكون بدرجة حرارة الماي بالصيف .. جايفه اشلون لما ماية الحنفيه تكون حاره بالصيف لدرجة تحسين انج مشغله البيلر (السخان) خليه بهالدرجه .. ودفي المحلول علشان المسامات تفتح وتمتص المحلول .. هالمحلول استخدميه قبل لا تتسبحين (بساعتين على الاقل او بالليل) واستخدميه بعد ما تتسبحين

هالمحلول عجيب ووقف التساقط بنسبة حيل كبيره (انا كان التساقط عندي خفيف وصار اخف) .. والحلبه فيها هرمونات انثويه ومن مميزات الحلبه انها تحارب الصلع ويمكن تعالج الافرازات الدهنيه

من خلاصة تجربتي مع الحلبه هذي هي الطريقة الوحيده اللي استفدت فيها من الحلبه .. وانا كنت مثل بناتج بفتره كنت استخدم الحلبه المطحونه مع الماي واخلي قوامها يكون كريمي مثل الحنه واحطها بس على فروة راسي بس ما عجبتني النتيجه ووقفت استخدم هالطريقه .. والحين جربي هالطريقه وان شاء الله خير

جزاك الله خير اختي على المعلومات المفيده والله يجعله في موازين حسناتك واستخدمنا الحلبه عشان نبيها تطول الشعر وان شاء الله اجرب خلطاتك ومشكوره وماقصرتي

العفو وان شاء الله التونك يفيدكم .. ونسيت اضيف شغله بالنسبه للتونيك بعد ما تنقعينه صفيه بمشخال وقطعة خام وبعدين حطيه بالثلاجه علشان لا يخترب وبعد يومين او ثلاث سوي واحد يديد