اكسبيه اللحين واخذي هديته وفهميه برواقه انه مايعيدها .. وعطيه من الكلام المعسول وانك تحبيه بس مخربه عليه عصبيته وباذن الله تنحل ولا تكبيرها بتكبر

صح زي ماقالت صغيرونه لو كلمك خلاص كلميه وعتبيه بلطف ها بلطف ..لو طنشتيه وهو جايب هديه لك قال هذي اجيب لها هديه ولا نفع معها الاعتذاار بكيفها ..وهذا اللي مانبيه نبيه يحس انه مذنب ....
ولاتنسين بانتظارك بكره ايش صار معك هههههههههههههههه ملقوفه

احسني كارهته بالحيييييييييييييل..ماني قادرة اطالع فيه بعد ما قال ذاك الشي ..
انتي شايفة لك واحد غيري وتبين تطلقين مني عشانك تتزوجينه..
قرف يقرفه..

من حقك تزعلين
واهنيك على هذا التصرف الجاد الحازم
للاسف زوجك مستقوي عليك وماهو شايف قدامه احد يوقفه عند حده حتى اهلك كأنهم يقولون له اضرب واذبح اهم شي تكون راضي !!
من اليوم حطي لكل تصرفاته المجنونه وعصبيته المزعومه حد .. كلنا نعصب ونغضب لكن مو من حقنا نضر غيرنا ونمد يدنا
خليه يعيش في خوف انه في اي لحظه ممكن يخسرك بسبب تصرفاته
اذا عصب ولا صارخ لا تعطينه اي رد فعل ولا تناقشين نهاااائي اخرجي من المكان واتركيه يحرق بنفسه واذا رجع لك يكلمك ويناديك قولي اذا هديت اناقشك بهدوء بدون صراخ لاني ما افهم ولا اعرف اتناقش مثل البشر مع صوت عالي
واجلسي معه جلسة وكلميه بهدوء قبل تقبلين هديته ورضاوته قولي له بأمانه انت راضي عن نفسك وعن تصرفاتك لما تصارخ وتشقق ملابسك وتقطع بعمرك وتضرب؟!
انت تشوف نفسك وش تسوي ماتشعر بالخجل لو شافك شخص من اصحابك او اهلك او حتى ولدك يشوفك تسوي كذا ؟!
لما يكبر وش راح تكون فكرته عن ابوه ؟
واذا على الالتزامات الماديه او الديون قولي له مانت اول ولا اخر واحد يتعرض لضغوطات والرجال الشجاع القوي مو اللي يصارخ ويضرب القوي هو اللي يتحمل الضغوطات ويعرف يفصل مشاكله عن البيت والاطفال والزوجه
وقولي له انك قايمه بواجباتك كزوجه وماقصرتي معه ومانتي منتظره منه غير الاحترام والتقدير
وخذيها فرررصه حطي خطه لحياتك معاه اطلبي منه لما يدخل البيت يرمي الضغوطات برا ويتفرغ للاطفال ولك ويعطيكم حقكم من السوالف والضحك اذا مو عشانه هو عشان الاطفال حرام يعيشون في جو متوتر ..
ولان العصبيه والصراخ عمرها ماراح تحل المشاكل او ترجع اللي انكسر او تشيل عنه ضغوطات فالافضل ينساها ويعيش حياته طبيعي وربي بيسهلها
واطلبي منه لما يحصل بينكم خلاف او مشكله يناقشك بهدوء وتتفاهمون برواق واحترام بدون صراخ



الله يشرح صدرك ويوفقك وييسر امرك

اتاكدي اولا ان زوجك مايتعاطا شي انا اجزم انه ياخذ شي ياحبوب او شي ثاني متاكده مليون بالميه مواصفات الناس اللي زي زوجك واضحه اتاكدي وربي يفرجها عليك