شوفو وش سويت بزوجة اخو زوجي

السلام عليكم ورحمة الله

صراحه سويت موقف اليوم
مضيق خلقي من العصر للحين
ساعات احس بتانيب الضمير وساعات اقول بالعكس اللي يستحي ينوكل حقه

الزبدة
انا رحت لامي زياره الاسبوع هذا وكانت امي تعبانه فجلست عندها
لما جاء زوجي يرجع للبيت قالي اخوي واهله رايحين لنفس المدينه اللي حنا فيها يتمشون وانا مقابلتهم قبل يومين بزواج وسلمت عليهم

فقلت انا ماني مروحه ابي اجلس عند امي تعبانه وبنفس الوقت كنت مقرره من اول اجلس قبل تعب امي
وبالذات اني من اول يوم بالاجازه لحد اليوم اللي وصلت فيه لامي عندي ضيوف وماطلعت

المهم ازوجي خبر اخوه

لكن انصدمت لما وصل البيت قال زوجي ان اخوه واهله جو عنده
زعلت طبعا لتهميشهم لي
بس بعد يوم دقت زوجت اخوة واعتذرت لامي انها مي عارفه الا لما جت البيت

رجعو اليوم العصر مروحين ومروا على امي يسلمون لانها قريبتها
واناملامح وجه الله يسامحني واضحه اني مو طايقتهم وارد ببرود حتى امي لاحظت هاالشي
قالت زوجته مادريت انك مو بيتك ولا ماجيته
ورديت عليها بنرفزه
قلت لزوجك اني مو رايحه ابي اجلس عند امي تعبانه ومن غير ماتكون تعبانه انا لي فتره طويله ماطلعت وابي اتمشى
فان مقرره من اول اجلس عند امي
غريبه ماقالك
حسيت وجهها تغير
وقالت ماقلي غير بالبيت قلت له نروح وقال عادي

انا سكت ماقلت لها ايوه عادي والبيت بيتك و
وسكتت هي واخذنا نص ساعه سوالف عاديه ومشوا
واحس قلبي يتقطع

وبعد شوي جلست تسولف عن اختها انا راحت بعد لنفس المدينه اللي حنا فيها زياره لابنتها
فرديت بنرفزه والله مدري وش لاقين بمدينتنا
مافيها شي حلو
قالت الحدايق حلوه
قلت لاوالله ماغير
ثنتين مظلمات
وسكتت واضح انها فهمت قصدي

هم من جدة ومستحيل تقارن حدايقهم بحدايقنا

اخاف غلطت
وانا ماسويت كذا الا لانهم قلبو المصيف من كم سنه عندي كل سنه الا يجوني وزوجها ثقيل دم اذا جلس ممكن يكمل الشهر والشهرين عادي عنده
وكمان اذا جوني زياره
اغلب قريبنا ومعارفهم اذا عرفو انهم عندي جايين رايحيين عندي
انا لاحظت السنه اللي يجي واحد من اخوان زوجي وخواتهم بحكم انا عائله واحده متزاوجين مع بعض فتلاقين بنت عمتي مع اخوه وبنت خالتي مع اخوه الثاني وبنت اخوه مع ولد خالي
وهكذا الا يجون الباقين بعيلاتهم ويخلون التجمع عندي
وانا والله تعبت من الناس وكثرة الزيارات
وزياده على كذا انا احس عندي حاله نفسيه صايره التضايق من كثرة الناس وخاصه بيتي
انااقر انها طيبه بس احس انهم عاادي اذا حبو يتمشون مايفكرون اهم شي يتونسون
اما اخلاقها صراحه مافيها شي الا هالعيب انهم مايجلسون بيتهم كل عطله فرفره وانا من ظمن الناس اللي يجونهم بس استثقل طول جلستهم وتجمع الناس عندي لما يدرون انهم جايين عندي زياره
والله اللي سويت غصب عني بس مع كذا مارتحت مااحب اجرح احد
وبنفس الوقت ابي اخلي لي هيبه بيتي ويراعون مشاعري وظروفي مو كل سنه جايين من غير اتصال او حتى اعتذار
(اني متاكده اني لو سكت كانت فتحت الباب للجميع لهم ولغيرهم يجون البت وانا مسافره وهذا اللي قهرني ان بيتي مايفضي بالعطله حتى وانا مسافره)
فكرت اخذ رقمها من زوجها وارسل لها رساله عن رمضان
نا مشكلتي اني حساسه جدا
عشان كذا انا اللي تعذبت اكثر منها
بنسبه لها مااحسها انجرحت اكثر مني وماشاء الله زوجها مايغصبها على شي لكن شكله مااعطى الموضوع اهتمام وماقالها

وانا والله تعبت من كثرة الناس
مو كره لناس بس تعبت من الخدمة
وانا من كم سنه جتني حاله اكره الاجتماعات والناس مو عاطيني فرصة استرخي من ضيف لضيف مو عاطيني فرصه اجلس مع نفسي


وش رايكم بعد قراءتي للردود قررت
ارسل لها رساله ابين لها اني كنت زعلانه لاني توقعتها مهمشتني ولالي اي عتبار لكن بعد ماعرفت اانها ماكانت عارفه بعدم وجودي واعتذارها لامي عرفت قيمتي عندها
وبعدها رساله تهنئه برمضان