شوفو وش شفت عند محل اطفال .. موضوع للنقاش..

السلام عليكم ورحمة الله وبركاته
كيف حالكم يا احلى حوائيات
المهم مابطول عليكم بالسالفه
اليوم ياطويلات العمر رحت لمحل اطفال عالم الطفوله في الدمام
طبعا كنا في وقت صلاة ووقفنا عند المحل ننتظره يفتح طبعا كانو في صلاة العشا
المهم وحنا ننتظر كانت واقفه جنبنا سياره فيها سواق وطفلين واحد اعطيه عمر اربع سنوات والثاني سبع سنوات تقريبا ويجننون بسم الله عليهم
المهم اللي قاهرني انهم كانو لحالهم مع السواق وطبعا نزلو في الشارع ويلعبون في الشارع والسواق ولاهمه وواحد طيح قلبي قطع الشارع راح يتفرج على محل قبال المحل هذا والشارع مو بحي علشان اقول السيارات قليله لا شارع عام وانا ماغير اناظرهم وتقطع قلبي عليهم من الخوف لا وجا عامل يبيع فيشار واشترو منه طبعا البوك كان مع الصغير وضحك عليهم عطاهم باغلى من سعره والسواق يضحك بالله مو شي يقهر
فايش رايكم بمثل هذي الام اللي تثق في السواق لدرجة ترسل اطفالها معه لمحل العاب ؟؟؟؟
ووين الاب في هذا كله وين دور الاب ليش السواق حل محل الاب في الموضوع وغيره سواء بروحه لمستوصف او سوق او غيره؟؟؟
اذا كانت الخدامه اخذه مكان الام في البيت والسواق اخذ مكان الاب !!! ليش يجيبون اعيال ؟؟ وين التربيه ؟؟ وين الاهتمام والحنان ؟؟ والام اللي تثق في السواق في وقت تسمع فيه القصص الفظيعه عن الخطف وغيره ايش رايكم فيها؟؟
صراحة موضوعي هذا ابغى نقاش جدي فيه ياليت الكل يبدي رايه لانه من جد شي يقهر