مساء الخيرات
أببدا بالموضوع بدون مقدمات بأختصار أمس الصبح أولدي عمره ثلاث سنوات وأربع شهور شاف له شوفه أنا انهبلت بعدها:06:والله بس أفكر السالفه انه ماجاه نوم أمس الصبح لأنه نام من الليل وشبع نوم أنا صليت الفجر وجلست مع زوجي لما راح للمدرسه ولما راح أبوه يصيح كعادته يبي يروح معه ولا مجهز روحه لابس لي الثوب فوق البيجامه وشوفو شكل البجامه وهي طالعه مع اطراف الثوب ومن تحت ولابس اشماغ الشاهد ان ابوه طلع وهو يهدي فيه راح ابوه ورجع لي بالغرفه خلاص أبنام وهوا ماما قومي لاتنامين ويفتح اعيوني ويطامر فوق السرير أنواع الازعاج وآخذه وأحضنه وأقوله ابقولك قصه وأشوى هو يسكت وأنااقول ونوم بعيوني وأسكت أغفي ثم يرجع يقول كملي وأنا ع هالحال تعبت منه أحاول انه ينام وهو ماطق خبر للنومه قلت خلاص اذا ماسكتت أبعطيك ضهري وعيا يسكت ويحاول يصحي أخوه بجنبي بسريره وأنا ازعل عليه وأعطيه ضهري أثاريني نمت بسابع نومه الشاهد وهو يحط راسه عندي ويصيح ويحاول يتخبى وصياحه قووي بالمره وأنا افز واقوله وش فيك يقول ياماما شوفيه واقف عند الباب فاتح فمه وولدي مرعوب وأنا اقمز ذيك القمزه مادري من وين جتني الجراءه وأشغل المسجل ع سوره القره وأرجع لولدي وأساله قال ياماما فاتح فمه يقول أه أه ويغمز بنص عينه أولدي يوصف لي شكله كذا يقول اسنونه كبيره والله يبنات وعقلي يطير مو معقوله وهو يقولي دقي ع بابا انا خلاص أحس ركبي تجمدت وأرسل لأبوه اذا تقدر تجي تعال وهو يكلمني ع طول وانا اقوله قال شغلو القران واقري عليه انا مشغول بس ان شاء الله ماأتاخر سكرت وولدي يقعد يقول كش كش يناضر لزوايه الباب مادري منين جاب هالكلمه انا خلاص لعب باأعصابي لعب قلت وينه قال اهناك ويمسك يدي يبي يوريني المكان يقول هنا هنا
مادري احترت ويوم جاء ابوه ونفس الكلام الي قاله لي قاله له واخذ يده يوريه المكان
أولدي ماهو من النوع الي يعرف بالكراتين وقنوات الاطفال علشان تقولون خيال أو تفكير مايعرف غير طيور الجنه طول يومه عليه
من جبته يبنات وهو بس يفزع من نومه والله ماتمر عليه ليله الا ويقوم مفزوع
الشاهد عقب الي شفته وأنا اروح للعطار وأخذ مسك أسود وسدر واروشه به وأحط من المسك والله وربي شاهد ع كلامي انه ماصاح ولابكاء ولوقام مفزوع زي كل ليله حتى ابوه أستغرب والله يبنات أني محافضه ع الاذكار انا وابوه حتى يوم السالفه الحمد لله اني متحصنه وقاريه الاذكار قبل ماانام بس سوره البقره احيانا أشغله يوميا واحيانا أسبوع ماأشغله مافيه حرص
بس دريت وشو السبب كله من قناه طيور الجنه مستحيل يقعد اوياكل حتى وقت النوم ماينام الاعليها يوم صحى قال ماما وين طيور الجنه طبعا انا حذفته حذف وأستبدلته ببراعم حقت الاطفال لاغناء ولاشي وهو مومصدق يطقطق بالريموت يحاول انه تطلع بس خلاص أخفيت طيورر النار للأبد
معقوله بنات يكون صاادق 000
تكفووون أدعو لأمي راح تسووي عمليه قلب مفتوح خلال هاليومين
يارب أشفي أمي شفاء لايغادر سقما
يارب رجعه لنا بالسلامه
الله يحفضكم ويبعد عنكم كل مكروه
دمعه بتول @dmaah_btol
محررة
يلزم عليك تسجيل الدخول أولًا لكتابة تعليق.
اصلا انا مادخلت راسي هذي القناه فيها موسيقى المشكله انها دخلت كل بيت
حتى بيوت الملتزمين على بالهم مافيها موسيقى واطفالهم فرضوها عليهم غصب
وانتي عليك انك ترقين طفلك وبأن الله مايشوف الا كل خير ...
حتى بيوت الملتزمين على بالهم مافيها موسيقى واطفالهم فرضوها عليهم غصب
وانتي عليك انك ترقين طفلك وبأن الله مايشوف الا كل خير ...
الصفحة الأخيرة
ومهما تحصنتي اختي الموسيقى زي ماقلتي باستمرار شغاله عندك
الله يحميهم ياارب
/
الله أكــبر
الله أكــبر
الله أكــبر
لا إله إلا الله
الله أكــبر
الله أكــبر
ولله الحمد
الله أكبر كبيرآ
والحمدلله كثيرآ
وسبحان الله بكرة وأصيلآ
وصلى الله على نبينا محمد وعلى آله وصحبه وسلم تسليمآ كثيرآ
/