شوفو وش صار لي .......

السلام عليكم ورحمة الله وبركاته
حبيت اقولكم اخواتي حبيباتي وش صار معاي ...........:)
انا اراجع عند دكتور علشان الحمل المهم اعطاني ابرة تفجير وقالي راجعيني بعد شهر من موعد الدوره
المهم ما نزلت الدوره ورحتله قال احتمال يكون عندك حمل خذي هالحبوب اذا حمل يثبت واذا مافيه تنزل الدوره ....:42: .....
وطبعا مثل كل وحده محرووووووووووومه قاعده ابني امال وخيالات واختار الاسامي ......الخ
البارح كانت المفاجأه ؟؟؟؟؟؟؟؟؟؟؟:eek:
نزلت الدوره وطبعا كانت مصيبه بالنسبه لي وصياح طول الليل لين صارت عيوني مثل عيون الضفدع..
قمت اليوم الصباح بروح لشغلي ...
السواق ..مدام مافيه بنزين وطبعا هذي شغلت السواقين ...وانا ماده بوزي شبرين من البارح
قلتله وقف عند الصرافه علشان اصرف ببطاقة البنك .... وانا ماده بوزي شبرين وماني طايقه احد بالدنيا
دخلت البطاقه ابي اسحب انسحبت بطاقتي وما طلع لي ولا ريال وبكل برود مكتوب على الشاشه
لقد تم حجز بطاقتك :22:
رجعت للبيت علشان اخذ فلوس واعبي بنزين ومالقيت بالبيت الافلوس شوي مره
قلت اصلا اليوم باين من اوله وانا ماده بوزي شبرين ودي اتهاوش مع كل الي يقابلني:30:
عبيت بنزين وانتهت المشكله مشينا الا هالزحمه الي قافله الشارع تقل حج يعني اليوم والبارح الدنيا مقلوبه معي وزعلانه وليش هالشي يصير ووووووو...الخ
بنهاية الطريق اخر الزحمه الا وهالقلابي (سياره كبيره شحن) منقلبه بالشارع وثلاث سيارات متصادمه
واناظر الا هالمسكين ممدد بالاسعاف والله مدري هو حي ولا ميت بس انه مايتحرك ...:(
وقتها وقفت كل مشاعر الحزن الي في قلبي على نفسي هالمسكين يمكنه مات في هالغربه وترك عياله
واهله ممكن يرجع لهم بصندوق ممكن يرجع معاق ممكن وممكن .....الخ
حطيت كل الاحتمالات في راسي والله ثم والله عرفت اني في الف خير ونعمه وهانت علي كل مصائب الدنيا ....
وان مصيبتي عند هالمسكين مهي بشي وحمدت الله وشكرته الف بل الاف المرات اني بصحه وعافيه
وبين اهلي وبلدي .....:( .
اكتشفت ان الله سبحانه وتعالى حرمني من الذريه ومن كلمة ماما بس...
انعم علي ...
بالامان والصحه والاهل وووووووو....................................الخ
نعم الله عظيمه ولو اعدها ما احصيها ........:26: .....
فصبرا لكل من حرمت ان الله مايضيع عباده ...
انا طولت قرقرقرقرقركثير يس حبيت تستفيدون من تجربتي