الـــســـــــلام علـيــكم ورحـــــمة الله وبـــركــــاتــــه
حبيت احـــكـــيلكم خواتي اللي صار لي انا وعيالي البارح من شلة شباب الله لايسامحهم ....
البارح كنت عند اهلي.. ساكنين في السوده ..ولما جت الساعه عشره ونص ابي اروح لبيتي بابها. دقيت على السواق وقلت له تعال .. بعدها قفلت شوي يتصل السواق ويقول ..مدا م السياره ماتشتغل ..بعدها اتصلت على ولدي وكان مع اصحابه وقلت له تعال خذنا قال طيب .وجا ولدي الله يخليه لي يارب ..بسيارة زميله لان سيارته بالورشه..واخذنا ونزلنا ابها لما وصلنا ابها وحنا واقفين عند اشاره الا وشباب واقفين من ناحيتي ..فتحت الاشاره لما مشينا الاوهم يلزونا تحملهم ولدي شوي وانا بس اهدي في ولدي اتركهم شباب فاضي ..تركهم بس هم زودوها شوي ..وقفنا عند اشاره ثانيه في الحزام بس كنا وراهم.. شوي ولا يرجعون بسيارتهم علينا وصدمو سيارة زميل ولدي وهربوا عاد هنا ماتحمل ولدي ولحق وراهم بسرعه جنونيه منهم ومن ولدي وانا طبعا بس اصيح وابكي انا وعيالي الضغار وشغالتي ..وانا مريضه ماتحملت والله اني حسيت اني انشليت وافتح قزاز السياره عشان يعرفون ان فيها عايله لان القزاز كان مظللل وشافوني ولا همهم ...بعدها طفو انوار سيارتهم عشان ماناخذ رقم اللوحه ودخلو قريه صغيره على طريق الملك عبدالله شوي وينزلون علينا مشي على رجولهم ومعاهم حجار كبيره بس مشى ولدي ...بعدها شفنا سيارة شرطه ووقفناها وقدمنا بلاغ وراح معنا عندهم لقيناهم واقفين عند بيت والسياره اللي كانو فيها غيروها بحوده ثانيه طبعا انا قلت اكيد دخلوها بالحوش وطلعو وحده ثانيه ..لكن الشباب هم نفسهم واحد فيهم شعره طويل مره.. قام الشرطي قال لولدي هم ذولي اللي تعدوا عليكم انت واهلك قال ايه هم.. وانا بعد عرفنتهم وقلنا لهم انهم هم بس ابد مسوا لهم شي وركبوا سيارتهم وراحو والشرطي ولا قالهم شي حسبي الله عليه هو وياهم وقال لولدي ودي اهلك للبيت والله يستر عليك ...يعني نستنجد فيه ولا يسوي شي ...لما وصلنا للبيت جيت ابي امشي ماقدرت وبنتي ياويلي عليها عمرها ثمان سنوات صدعها راسها ولدي الصغير عمره سنتين ونص يقولي خلاص ياماما لاتبكين... حبيت احكي لكم اللي صار معاي لاني احس اني احكي لاخواتي ...وكمان تدعون لي ان الله يشفيني من مرضي.. اربع سنوات علاج وتعبت من كثر الادويه ....وسلامتكم
مهاوي. @mhaoy_65
عضوة جديدة
يلزم عليك تسجيل الدخول أولًا لكتابة تعليق.
ندى .
•
الحمدلله ع سلامتكممممممم
والله يشفيك يااارب
ولدك المفروض مايتهور تخيلي احشروكمم لان ولدك مامعه احد
والله يشفيك يااارب
ولدك المفروض مايتهور تخيلي احشروكمم لان ولدك مامعه احد
الصفحة الأخيرة
والله يشفيك ويعافيك .. واحتسبي المرض والله ياجرك عليه
لا اله الا الله