شوفو وش صار معي !!

السلام عليكم ورحمه الله ...
كيفكم يابنات ان شالله بخير ...
رجعتلكم من جديد والمآسي في كل يوم تزيد لاكن اسال الله الفرج وان ينصرني ع من ظلمني.
طبعا يابنات انتو عارفين قصتي من اول لاكن شوفو وش صار لي خلال ها اليومين
مو انا رحت عند اهلي وققلت بريح لين الجمعه وبعدها بروح لبيتي عشان مدرسه بنتي ؟ تخيلو زوجي دق ع اخوي وقال قل لاختك اللي هي انا لاترجع للبيت لين اشوف السبت وش يصير اما اطلقها وورقتها تجيها او اشوف حل !!!
يوم وصلني الكلام بغيت انجن من القهر هذا اللي يقول ضربني وبكى سبقني واشتكى لا ويقول ان حرمه من الجيران كانت فيه يوم انا اشتكي عليه وسمعت وقالت ان زوجه فلان مشتكيه ع زوجها انه يشك فيها و يضربها !!! وان هذي سالفه الحريم الجيران ان اختك فضحتني .
وانا والله يابنات يوم اشتكي مافيه ولا حرمه ولا رجال غير الضابط وانا وابوي تعرفون يعني الوضع في القسم كيف نظامي يعني مافيه امل حرمه اوغيرها تدخل فكيف يجي يقول انها سمعت ؟؟ ولو نفرض ان الكلام صحيح فرضا يعني هذي الحرمه ماكذيت لانه بالواقع هو ضربني ويشك فيني بس لانه متفشل من فعلته السودا
المهم انا بعدها رحت وديت بنتي لهم وقلت اجلسي عندهم خلي ابوك يوديك ويجيبك من المدرسه واذا جا الاربعا تجين عندي حطيتها وبعدها رحت لبيت اهلي شوي الا بنتي تتصل علي وتقول يمه تقول عمتي اللي هي اخته اللي في البيت تقول خلي احد يجي ياخذني لاني مو فاضيه قلت قولي لها مافيه احد يجي ياخذها واذا هي مو فاضيه تخلي امها تصحى بعدين قلت اذا هي تبي تتكلم تدق علي لا ترسلك لي المهم طالت السالفه كل شوي مرسله بنتي بكلام واروح ادق ع خالتي ام زوجي وترد ويوم سمعت صوتي وتسكر السماعه وارجع ادق ولا احد يرد وادق ع اخته ولا ترد واعيد الاتصال وتقفل الجوال حسبي الله عليها .
ولادقيت مره ثانيه شوي الا بنتي ابوها جايبه عندي ببيت اهلي حطها ورااااااح!!؟؟
بنته مو قادر يتحمل مسؤليتها لا هو ولا امه ولا اخته حسبي الله ونعم الوكيل
بعدها اليوم الصباح السبت صارت بنتي ماجابت كتبها كلها دقيت ع زوجه اخوه بما انها جنب بيت اهل زوجي وقلت كلميهم خليهم يطلعون كتب بنتي وجيبيها مع بناتك في المدرسه لانهم بمدرسه وحده
دقت زوجه اخوه ماقصرت قالت ردت اخته وقالت هو ماينام بالبيت وقولي لها اللي هو انا خليها تخلي بنتها في المدرسه لا تجي ببيتنا ( لانها ترجع مع بنات عمها للبيت وبعدين هو اذا جا العصر يجيبها ) قلت هي بصفتها ايش تقول ها الكلام قلت البنت تاخذوها معكم من المدرسه قالت زوجه اخوه ان شالله
بنات وش رايكم بحركات اخت زوجي انا بنظري قمة الحقد والدنائه ولا بنتي هي بنتهم وعيب عليهم هذي الحركات بس والله بينو لي القناع الثاني لهم والله ياخذ حقي منهم ان شالله عاجلا غير اجل واللهم اكتب لي الخير وارضني به
بنات دعواتكم دعواتكم جزاكم الله خير.