لا حبيبتي لا تخافي مافي شي اسمه هرمونك ضعيف كل حمل يختلف عن الحمل الي قبله ..
انا حملت اول حمل وكان حمل ضعيف .. كيف ضعيف يعني هرمون الحمل في هذاك الوقت المفروض يكون عالي اذا كان الحمل سليم لكن بسبب مشكله في الحمل اما الكيس فاضي او فيه جنين لكن مو جالس ينمو بشكل سليم او المشيمه فيها مشكله مشاكل كثير تخلي الحمل مايتطور بشكل طبيعي فباالتالي الهرمون حق الحمل بدل مايزيد ينقص ويصير ضعيف لين مالوحده تسقط .. لكن مو معناته ان كل ماتحمل الهرمون ضعيف لا هوا هذاك الحمل الي حملتيه فيه مشكله سببت ضعف الهرمون والحمل انتهى وكل اثاره تختفي معاه ماتنتقل للحملات القادمه .. ممكن تحمل الوحده بعده حمل سليم وطبيعي ولكن كل وحده مرت بتجربة اجهاض للاحتياط اذا حملت من جديد يعطوها حبوب مثبته او ابر او تحاميل على حسب وضع الحامل .. احتياط عشان ماتسقط مره ثانيه..
اما انها قالت لك اصبري 3 شهور حتى انا لمن سقطت كانت الدكتوره تحذرني بشده وتنبه عليا مااحمل الابعد 3 شهور عشان مع كل دوره بطانة الرحم تتجدد وتقوى وتصير مستعده لحمل جديد لكن اذا حملت بسرعه تكون نسبة الاجهاض مره ثانيه محتمله لان البطانه لسه تعبانه الرحم لسه تعبان وممكن مايتحمل .. كتبت لي على حبوب منع الحمل لكن مااخذتها كنت اتجنب ايام التبويض ونعزل لين عدت ال 3 شهور على خير ..


والحمد لله ربي رزقني بالحمل بعد ماتابعت التبويض واخذت كلوميد عشان البويضه تكبر لانه كان عندي ضعف تبويض وحملت ماشاء الله حمل سليم ولا هرمون ضعيف ولا شي كل شي طبيعي الحمد لله ..
واما الحمل تقدر الوحده تحمل طول ماتجيها الدوره وبعد سن ال40 كمان في ناس يجيبو اطفال مع انه في هذا العمر ممكن تتلخبط الكرموسومات عند الام وتجيب طفل منغولي لكن في ناس يحملو ويجيبو اطفال سليمين ماشاء الله ..
كل ماعليكي الان تسمعي كلام دكتورتك تصبري 3 شهور وبعدها تروحي للدكتوره وتقوليلها ان مر 3 شهور على الاجهاض وتبغي تحملي وتخليها تفحص التبويض عندك وتبدي تحاولي من جديد انا كذا سويت وكتبت لي على حمض الفوليك قالت خذيه لين ماتحملي وبعد ماتحملي كمان استمري عليه .. وانتي كمان اول ماربي يكتبلك الحمل تروحي تسوي كل الفحوصات وتخبريهم انك سقطتي قبل عشان يعطوك مثبتات احتياط ..
المهم انه مافي شي اسمه هرموني ضعيف انتي حملتي حمل كان فيه مشكله وبالتالي الهرمون حق الحمل ضعف بسببها .. الحمل خلاص انتهى بمشكلته .. حملك القادم بإذن الله ماله اي علاقه بحملك السابق وباذن الله بيكون طبيعي وسليم ... لذلك انصحك قبل ماتفكري تحملي تتاكدي ان كل شي عندك سليم من تبويض لهرمونات عشان لو لاقدر الله عندك مشكله تعالجيها .. حتى ماتاثر على حملك الجديد ..
اتمنى اكون شرحتلك بوضوح وربي يعوضك بالحمل السليم التام المعافى يارب❤❤

حبيبتي اولا الله يعوضك خير
اللي اعرفه من تجارب خوياتي وقريباتي
انه الافضل تنتظري لحد تقريبا 6 شهور علشان صحتك بعد التنظيف وعلشان يرجع كل شي طبيعي واذا صار قبل الحمدلله نعمه.
وانه الهرمون يضعف اولا كنتي تقدري تتاكدي منه وش الهرمون وش اللي تحتاجيه بس اتوقع هو الهرمون الانثوي البروجسترون انا في حملي احتجه واخذت ابر برضو خاصه لو جه للوحده نزيف مثلا.
ثالثا شكلك من النوع اللي تخبري ام زوجك كل شي اعذريني بس مش كل حاجه تنقال. وش اللي 35 هذا كلام قديم مرره طبيبي يقولي الي عمر 47 تقدر الوحده تجيب. استهدي بالله وريحي شهرين ثلاثه ثم حاولي وتابعي مع طبيبه كويسه والله بيرزقك اخت واخ لبنوتك واللي تبينه باذن الله.

اختي اماني ام زوجي تتدخل بكل شي وكل شهر تدق تقول هاه مافي حمل ترى لاكبرتي خلاص مافي وتحدد العمر وكل شي علمنا انها جابت ولد في الاربعين والهرمون هو البروجستر الى تقول ضعيف عندي

حبيبتي ترا امبونهم كذي امهات الازواج فيهم نوع من الغيره وبعدين عمرك توه ما وصل 40 علشان تقولك هالحكي ..موو عليك من كلامها .. قولي لها لما الله يرزقني بقولك ..

الله يسامحهم الرزق بيد الله مالج شغل فيهم ودامك تفكرين بالحمل نصيحتي لك اكلي بيبي اسبرين ووقفيها قبل الدورة بيوم اما الفيتامينااات انصحك وكل خواتي بقووووة برويال جيلي عجيبه للتبويض والبشره والشعرر عجيبه ماشاء الله وفوليك اسد قبل الحمل تقريبا 3 اشهر يحسن عندج البويضات ويقويها ويمنع التشوهات بعد الله ..
والله يرزقك عاجلا غير آجل انتي وكل محرووووم يااارب