طيب وزوجك وينه عن ولده ؟؟؟؟؟؟

الله يهديه لكن اسلوبك معه كانك مؤيده له يعني قلتي الشبكه غاليه امها ماترضى

اعتقد لو انك كنتي حازمه وعاتبتيه وخوفتيه بالله وانك كنتي ترينه رجل وسند

وان مابني على باطل فهو باطل وان هالشي دين الله يستر على بنات المسلمين وممكن هالشي يصير لاخته بسم الله عليها

حبيبتي هو الان بفترة طيييش وتعلق من كل هالمغريات و وسائل الاتصال الحديثه
انتبهي تطاوعينه او تعلقين قلبه بههالشي الشاب صغير و نظرته للامور من زاويه قصيره

وانتي شوفيها بمنظور الام هل معقول ان بنتك بتقولك مثل هالتجربه وبيكون ردك مثل رد ام البنت اللي يريدها ابنك ترى بعض الناس دواهههي

انتبهي لولدك وحاولي تاثرين عليه وخلي ابوه او احد يثق فيه يساعدك

لكن لاتعلقينه بهالزيجه نهههههههائيا


الله يهديه يارب ويخليه لك

..صباح الخير ..


صراحه موقفك جدا صعب .. مشكلة الجيل هذا مره منفتح ..!
بعدين تو الناس على الزواج سنه أولى او ثانيه جامعه مره صغير على الزواج ..؟!
ويوم أم البنت معلمه وينها عن بنتها .. وعن بلاك بيريها .. الله المستعان بس ..؟!
المهم الطريق الي يٌبنى على باطل فـ صدقيني نهايته راح تكون كسيحه ..!
تدرين خويتي تعلمني .. أن أخوها عمره 22 تعرف على بنت عن طريق البي بي وقبل رمضان اوكي ..!
المهم .. قبل كم يوم .. تواعد هو وياها وجا وطلع معها فـ سيارته .. خذاها من بيت اهلها على 2 فـ الليل ..

×


ودار هو وياها في السياره لين الساعه 3 وربع ..!
عقب رجعها للبيت .. تقول يوم رجعها .. أخوانها برى كانوا واقفين وكفشوهم .. تقول كسروا سيارة اخوي ..!
طبعا اخوها ما نزل اختهم خاف عليها اخونا فـ الله واسرع بـ السياره وهم لحقوهم ..
وبلغوا الشرطه .. ثم تجي الشرطه وتحاصر الولد والبنت ويمسكونهم ..!
ودايركت للسجن .. عيوا اهل البنت اليوم الثاني التنازل .. يبون الولد يتزوجها بحكم أنه اخو خويتي ..
من ناس معروفين .. وفوق الريح ماديا .. ولهم سلطه فـ المجتمع ..!

×


والبنت من طبقه جدا فقيره والمشكله بدون .. وصغيره مره عمرها 19 ..
اهل خويتي ما يبون الخبر ينتشر وترجوا اهل البنت وعيوا .. عقبها انسجنوا الأثنين .. لمدة أسبوعين ..!
تخيلي ام الولد وابوه واخوانه وعمانه يقولون ي ويلك ف الجلسه اذا قلت انك تبغاها .. كــ زوجه ..
لان الولد طلع ما لمس البنت بـ المره .. فـ هذا الأمر ساعدهم في انه الولد مش لازم يتزوجها ..
لكن عندنا قانون انه أذا نام معها غصبن على خشمه ياخذها لو كان من كان ..!

×


والولد يقول الا ابيها ولا أبي غيرها احبها .. ي عمي الله يرحم والديك اي حب وانت توك متعرف عليها من كم شهر ..!
المهم يوم الجلسه .. الولد غير رايه وقال مابيها وهي تبكي بقوه .. < انا كسرت خاطري وربي ..
حتى خويتي تقول كسرت خاطري مره وانحازوا اهل الولد للبنت يقولون حزنتنا ..مره ..!
القضيه انتهت ... والولد طلع من السجن قبل امس .. والبنت بعد .. وكل منهم راح في حال سبيله ..
عاد تخبرني خويتي اليوم انه اخوها راح لـ اخته الي قريب من عمره وهي دكتوره .. على أساس رح تفهمه ..
يقول لها ي فلانه انا بتزوج فلانه يعني بتزوجها احبها اموت فيها .. ولا يمكن اخذ غيرها ..!
والحين اهل خويتي مبتلشين .. امه تقول كارهه تدخل بيتي هـ البنت الي جات من طريق اعوج ..!

×


وفيي نفس الوقت ما ودي اخسر اولدي ويضيع وهو عنيد بيسوي الي في راسه ..!
وتقول هـ المشكله مبهذلتنا مره فـ البيت .. ومحتاسين ..!
طبعا انا قلت .. بما انه تعرف عليها .. ياخذها خلاص .. الي يدخل بيوت الناس من دون أستئذان يتحمل الي يجيه ..!
وقلت لها خلوا عنكم الوجاهه وغيرها لانكم لو زوجتوه غيرها مصيرها يرجع لها ..!
وأسأل الله ان يهدي البنات والاولاد .. والمفروض فيه رقابه من قبل اي اب وأي أم على أبنائهم وبناتهم ..!
خصوصا فترة المراهقه ..!

×


الله يكتب لكم الي فيه خير ي خيّه ويعينك على الوضع الي انتم فيه ..!
وانا ما اقتنع ابدا ابدا بـ اي زيجه تتم عن طريق النت .. او طريق البلاك بيري .. !
بـ التوفيق ..!



..ركب الأغراب..

الولد حبها واختارها توكلي علي الله واستخيري وبعدين روحو اخطبوها لولدكم

اهم شي لاتعارضون بقوة لأنه راح يتمسك فيها بزيادة

قولي توه بدري على الخطبة بس دامك تبيها بس تخرج اخطبها اك


وهالفترة.ادعي ان الله يصرفه عنها


والله يعينك