شوفى ايش صار لى مع الكوافيرة وايش سوت بشعرى.... لو انتم كيف تسوون

العناية بالشعر

اخواتى

صبحكم الله بالخير

مدرى ليش اليوم افتكرت موقف حصل لى فى مشغل (((( يمكن من القهر من شعرى )))

المهم

مرة ياطويلات العمر

طنت فى راسى الا ابى افرد شعرى لانه خشن

ويمها كنا برمضان

زوجى يحاول يقنع فيا اخليها بعد رمضان ابدا راسى يابس وقلت ابدن لا زم فى التو واللحظه

(( عاد اللحين تشوفون عقوبة اللى ما تسمع كلام زوجها ))

رحنا للمشغل
دخلت وهو برى يستنا سألت عن الفرد قالت لى صاحبة المشغل الله احنا عندنا فرد ولا احلى وشعرك يجلس ست شهور وه حرير ......................وانتم تعرفون خرط الكوافيرات والسنتهن

السعر قالت خلينى اشوف شعرك فكيت الكشه قالت شعرك خشن ويبيله شغل وووووووو

كم

قالت 500

طلعت لأبو الشباب هات زت الخمسميه هاه :32:
يابنت الحلال

غيرى بدلى ابدن طلعها

اخر ماعندى مصروف البيت خليها اخر الشهر ابدن

المهم طلعتها من قلبه

ودخلت المشغل

راح ليل ويجى ليل وهم يدعبسون بشعرى مدرى وش حاست عليه

ماخلصت الا اتلى ليل

قالت روحى ومن بكرة مثل ها الوقت غسليه وكتبت لى على شامبو اشتريه قلت طيب

والله نمر الصيدليه نجيب الشامبو المنتظر

ولا هو شامبو جدتى كانت تروش فيه من بعدها امى تغسل به الشيله حتى ما يفصخ لونها

المهم

رحنا البيت ومن قوة الفرحه ما تسحرت خايفه على عصابتى لا تخرب والنوم ماهنا نوم راسى كانى سودانى

مر النهار على خير وانا احترى الليل على موعدنا حتى مواعينى ماغسلتها

جاء الموعد


زهبت اغراضى

وهزئت عيالى وهددتم

هاه بدخل اتروش وياواحد يدق على الباب ذبحته

وفكيت الشعر وبدأت برحلة الغسيل

الله لا يوريكم

البانيو خابرة لونه بيج صار اسود

قلت ما عليه

غسلته وطلعت

اناظر المرايه


يمه يمــــــــــــــــــــه

والا انا ماهو انا

ما شوف الا بياض عيونى واسنانى

ولا جسمى كله اسود


كنت فى شعرى اللحين جسمى وادعك وادعك الين انصلخ الجلد


قرب السحور وانا فى الحمام

لو ماهو ابو الشباب يبى يتسحر ولا بقعد لين الصبح


لميت راسى بالفوطه

وحطيت السحور

وصحى ابو الشباب من النوم


باقى مافتح عيونه واحده مفتوحه ووحده مغمضه


ماقعد على السفرة ولا يقول هاه كيف شعرك








ماقالها ولا جتنى البكوة

واطقها .............دموع تشيلنى ودموع تحطنى

يحاول يهدى فيه وانا بموت من القهر



شعرى هو هو ما تغير اللهم صار لونه اسود

وجلدى صار لونه اشهب من كثر الدعك


وعيالى منثرين فى البيت اللى راقد فى الصاله واللى فى المطبخ

مواعينى ما غسلتها

حمامى يبيله يوم يالله ينظف




وقروشنا راحت


وزوجى شمتان فيه



مدلرى وش هى المصيبه اللى حطتها على راسى






لو انت مكانى وش تسوين

كيف تتصرفين


ومين منكم

انصب عليه من المشاغل
24
3K

يلزم عليك تسجيل الدخول أولًا لكتابة تعليق.

تسجيل دخول

عاشقة امي و ابي
:06::mad2::eek::confused::icon36::angry2: ياللهول وش هذا طيب شعرك وش صار فيه تغير للاحسن ولا للاسوء الله يعينك والله مشكله الكوفيرات دائماً يخرطون علينا واحنا زي الاطفال نصدق بس ندفع وتجي النتائج ع رووسنا نجي للمهم ( لو مكانك ارجع المشغل واخذ نص العائله حتى يخافون من العدد >> مصدقه نفسها :hahaha: واهزائهم واطلب صاحبة المحل واتفاهم معها :a_smil17: والله دافعه 500 ميه مو 100 ولا50 والله صادقه كلن الله في عونك
عـــاليـــة
عـــاليـــة
المشاغل ماهمهم الا يشفطون منك قرنقش وشعرك بكيفه
كرهتهم من كثر ماجاني بلاوي منهم
بس طلعت بدرس قاسي لن انساه ماحييت ... الا وهو : اهم شي عندهم الفلوووووووووس وانتي وشعرك بقريح *_^
واذا اعترضتي جو كل العاملات ضدك وهم مايدرون وش السالفه بس يبون يفزعون مع خويتهم
عاشقة امي و ابي
المشاغل ماهمهم الا يشفطون منك قرنقش وشعرك بكيفه كرهتهم من كثر ماجاني بلاوي منهم بس طلعت بدرس قاسي لن انساه ماحييت ... الا وهو : اهم شي عندهم الفلوووووووووس وانتي وشعرك بقريح *_^ واذا اعترضتي جو كل العاملات ضدك وهم مايدرون وش السالفه بس يبون يفزعون مع خويتهم
المشاغل ماهمهم الا يشفطون منك قرنقش وشعرك بكيفه كرهتهم من كثر ماجاني بلاوي منهم بس طلعت بدرس...
والله انك صادقه تذكرت مره رحت مشغل يمدحونه ورحت اقص اطراف شعري يعني اساويه واعدله وتجيني وحده ماتفهم عربي وتبدا تقص وتجي صاحبة المشغل وبنتها يشرحون لها وهي بس تطالع ماتدري وين الله حاطها المهم وتبدا تقص وفجاءه انطفأ النور وصاروا يشتغلون بدون كهربه وقسم تصليح العرائس النور ضعيف ياربي وش هذي البلوه جاتني المشكله السالفه هذي صارت بعد زواجي ع طول وكانت مناسبه كبيره وقصت شعري وانا اقول لا مو كذا وتجي بنت صاحبة المشغل وتأخذ المقص وتجي بدالها وتقص واستشورت شعري ولفته ببنس ورحت البيت وفكيته الله لايوفقها قصته لحد رقبتي وهو كان اطول لحد نص ظهري حسبي الله عليها حسبي الله عليها وتجي امي وهاتك وخذي في التهزيء:angry2: تفكر انا قاصده اقصه كذا :hahaha::hahaha: وحلفت وحرمت مااطبه ولا اروح له لو يكون اخر مشغل
** هلا وغلا **
** هلا وغلا **
اسلوبك يجنننن والله ضحكت من قلبي

حزنوني عيالك مجدعين بالصالة .. بسسس معوضه خير حبيبتي الحمدلله ما راح شعرك

وصلعتي لأن اللي ماتكون فاهمه شغل الفرد ممكن تحرق الشعر ويطيحه

ولو انا مكانك اروح لها من بكرة واخليها ترجع فلوسي غصبن عنها ولا اجيب لها الشرطه

واقلب عليها المحل حسبي الله عليها ...وحبيبتي روحي محل مضمون لوحدة شااااطرة

وتكونين شفتي شغلها عشان تطمنين ..
شذى شمر
شذى شمر
وربي عسل اسلوبك يجنن

الله يعوضك ان شاء الله

لو منك اروحلها واغسل شراعها ترجعلي فلوسي

نصيحه لكل وحده لا تفرد شعرها كله دمار يطيح الشعر بالهبل