شوفى ثلاجتى قبل وبعد واستفيدى من خبراتى فى ترتيبها وتزيينها (بالصور)

شوفى ثلاجتى قبل وبعد واستفيدى من خبراتى فى ترتيبها وتزيينها (بالصور)


السلام عليكم ورحمه الله وبركاته
موضوعى النهارده عن ترتيب الثلاجه بالصور
وعشان كده كل صورة يسبقها الشرح

بسم الله ماشاء الله

ده حال حبيبتى قبل التنظيف







نبتدى نشمر ونشوف الهمه

علبه فيها ماء وفيرى وبيكربونات صوديوم وهات يا دعك من فوق لتحت والرفوف اتفكت وكله


وده شكل الثلاجه بعد النظافه




اه نبتدى الترتيب

اولا جبت ورق فويل من الثقيل عشان يستحمل وقصيته على شكل مستطيل على قد رفوف الباب للثلاجه والفريزر ولزقته بلزق شفاف

ودى النتيجه








جوه الثلاجه نفسها فى مفارش مزركشه فرشتها على الرفوف ولزقتها برضه عشان ما تتحركش





الدرج حطيت جواه قطعه قماش عشان احط فوقها الخضار
وتحت الدرج نفسه فرشت مفرش سفره من بتوع الاكل ولزقته كويس


نيجى بقى نرص الحاجة جوه الثلاجه
بالنسبه للباب زى مافى الصورة
زجاجات الماء والعصير والالبان وكل ماهو فى زجاج




وده باب الفريزر

حطيت جواه كل ماهو زجاج ايضا(خلطاتى الجاهزة) توفر على وقت طويل والايس كريم وانواع الجبن المختلفه




نيجى بقى للمهم ترتيب الثلاجه من جوه وخبراتى فيها

انا مخصصه لكل شئ رف من رفوف الثلاجه

الرف الاول لحاجات الفطار (جبن – زيتون – مربى – حلاوة )
الرف الثانى خاص بالفاكهه ووضعتها فى اسبته مدوره
الرف الثالث مقسم قسمين القسم الاول للحلويات (بسبوسه – كنافه .............)
والقسم الثانى علب بلاستيك اما تحتوى على تمر او
علبه البواقى ( وهذه علبه من اختراعى بداخلها كل شى قسمته بمعنى احتاج نص فلفل او خيار للسلطه او قطعه جنزبيل اضع الباقى فى هذه العلبه ) فادتنى جدااااااااااااااااا فوق الوصف
الرف الرابع وهذا لباقى اكل الغذاء اما اضعه فى علب صغيره لو المتبقى قليل وا فى حلل الطعام نفسها لو الكميه اكبر

والدرج طبعا فيه الخضروات واحط جواه علبه مستطيله جواها كل شئ طويل خضار باذنجان طويل كوسه واقفلها كويس


الفريزر بتاعى مليان علب بعشقها جدااااااااا





اول شئ انى بكتب على كل حاجة اسمها وساعات بكتب التاريخ كمان (فاضيه بقى اعمل ايه)
علب العصاج اعمله بكميه واشيل الباقى فى الفريزر والبشاميل وخلطتى للقشطه وباقى الشوربه (شفتوا ما برميش حاجة ابدا)
واللحوم احطها بكيس مقفول كويس واكتب عليه من بره نوعها
والخضار المجمد

انا كده خلصت

وده شكل حبيبه قلبى من جوه




وده شكل حبيبه قلبى من بره





وهتلاحظوا اللوحه والقلم ومكتوب عليهم طلبات البيت كل ما افتكر حاجة ناقصه اكتبها
ولها فايده (كتبت موضوع عنها ) وده الرابط
http://forum.hawaaworld.com/showthread.php?t=1773259

وباذن الله اروح اجيب الطلبات عشان ابتدى رحله ترتيبهم (اللى بحبها )

وكده خلاااااااااااااااااااااص

اللى يستفيد من اى حاجة هنا يدعيلى ربنا يفك كربى ويقدرنى اصل رحمى
امين يا رب


مستنيه رددودوكوا جدااااااااااااااااااااااا