السلام عليكم ورحمه الله وبركاته بعد نجاح مشخولي ,,<<<والله من الثقه هههههههه:icon28:
عزمت ام زوجي وحبيت اتفنتك عشان تقول خوش مره هههههههههههههههههههلووووووووووول:arb:
اترككم مع الصور واشوف ردودكم بعدين انزل لكم بالشرح الممل:)
المقادير والطريقه مع بعض حتى متتلخبطوا اوكيشن؟
اول شي تسوينه حشوه الروبيان يمي يمي يمي
اول شي تشوحين البصل والثوم وتضيفين الروبيان بعد متنضفينه طبعاتخلينه لمده لحد مينشف مويت الربيان طيب تضيفين قلييييييييييييييييل من الطماط متكثرين حبه صغيره طماطم وتحركينه لحد ميتسبك شوي
بعد كذا تضيفين مكعبات باذنجان ومكعبات كوسه ومكعبات بطاطس وحلقات بصل وحلقات فيلفله طبعا كل هالخضروات اللي ذكرت مقليه تضيفينها وين على كشنه الربيان وتحركين شوي شوي بعد كذا تقلين حبتين نقانق بالزيت<<<وهذا السررر طبعا وبعد متخلص قطعيها مكعبات صغاااار مره لاتخلينها تبين عشان يبان الطعم ولا احد يعرف شسر الطعم الحلو تعذيب <<<<صووووووووح ههههههه بعد كذا تضيفين البهارات وكركم لازم حتى يطلع لونه حلو بالاكل ملح وفلفل احمر مطحون وملعقه معجون طماطم لاتكثرين والماجي وتحركينه لحد متتكون عندك كشنه اقلي شويه مكسرات وحطيها معاهم انا قليت كاجو وصنوبر يطلعون يميييي معاهم اسلقي لك شويه مكرونه وبعد متخلص ضيفيها معاهم بتطلع لك الكشنه مشكله وشكلها يغري تقسمينها نصفين لان بنحتاجها مرتين طيب خلصنا الحشوه
نجي للسمك تنضفينه طبعا وتتبلينه
تتبلينه باي تتبيله تبينها
بالنسبه لي تبلته من الصبح
ملعقه ثوم مدقوق عصير ليمونتين ملححح فلفل اسود بهارات وماجي أي ماجي هرسته بيدي وتبلتها فيه جربوها وبتدعون لي ولاتنسين تفتحون بطن السمكه وتحطون داخلها ثوم مدقوق عشان يشيل الزفره تتركونه لساعات عشان تتبل عدل
بعد ماتتبل نسوي حشو داخل بطن السمكه
والحشوه هي
خذي لك طماطه وفصين ثوم وفيلفله وبصله قطعيهم شرائح شوحيهم بقليل من الزيت يعني تشويح بس بس عاد متخلونه الزيت قليل مره طيب وبعد ماتذبل تصفونها وتخلطون وياها البهارات وملعقه صلصه صويا وملح بس تحشون بطن السمكه طيب
تحميره السمكه من فوق:
خذي لك ملعقه معجون طماطم وملح وفلفل اسود ورشه اجي وبهارات وملعقه زيت وملعقه مايونيز وثوم بودره قليل بس حطيها على السمكه وبالفرن من تحت اول شي واذا تحمرت تولعينه من فوق لين تتحمر طبعا الحشوه تكون داخلها اكيد
وبكذا خلصنا السمكه المحشيه المشويه<<<قصيده صارت هعهعهعهع
الارز
ننقع الارز لنص ساعه بس انا رزي الوليمه
بتكونين غاليه ماء لسلق الارز حطي فيه كم اصبع قرفه وكم حبه قرنفل (العويدي) وحبه ماجي ورشه من الاجي اللي هو الملح الصيني وملح وشويه زيت لاتكثرين لان الماجي فيه زيت اذا غلت تحطين الرز عادي وقبل لايخلص الرز تشخلين الرز
وعلى طول حطي بقعر القدر نصف حشوه الربيان اللي سويتيها نصها بس بقعر القدر ضيفي الرز عليها
واخلطي لك بكاس ربع زبده مع ربع كاس ماء حار مع نص ملعقه زعفران مطحون مع ملعقتين ماء ورد تصبينه فوق الرز وتغطينه كويس وتخلينه لحد مينشف الماء اللي بالرز والحشوه اللي تحت كل شوي شيكي بالملعقه حاول تكشفين على الرز من تحت ,,,<<<<مستشفى ههههههههههه اذا خلص قفلي عليه
وبسسسس وبكذا خلصنا الوجبه هههههههههههههههههههههههههه
بعد متخلصين الرز وتقدمينه مع السمكه بصحن التقديم ضيفي الجزء المتبقي من الحشوه فوق السمكه المشويه عشان يطلع شكلها واااااااااااو بالعافيه على قلوبكم
وانتي عاد تفنني بالتقديم وصحه وعافيه على قلوبكم
ولاتنسوني من صالح دعائكم ترا دعوه الاخ لاخيه مستجابه ادعوا لي بالذريه عاجلا غير اجلا وسلامتكم<<<اصلح بشاعر المليون صووووح