بسم الله الرحمن الرحيم
السلام عليكم ورحمة الله وبركاته
هذا رد على موضوع الاخت مريم عيسى و قصة ولدها لانه حزني مره
http://forum.hawaaworld.com/showthread.php?t=2348837
هذي قصه صارت في مدرسة زوجي قبل 28 سنه في مرحلة الابتدائي كان عندهم مدرس مره ظالم على كلام زوجي يقول لا يفرق بين الطالب المشاغب والمسالم
شرحه للماده بسب وشتم وضرب
يقول كان فيه طالب يتيم وهو اكبر اخوانه وشايل هم وحمل البيت وثيابه رثه من الفقر والحاجه
بس هذا الطالب كان شاطر ومجتهد ومتدين يقول كنا نلعب ونطامر وسياكل وهو في بيتهم ولا المسجد
ذاك اليوم ما جاوب صح ومسكه المعلم وضرب وضرب فيه وسبه وهزئه وضحك عليه العيال بفقره ولبسه الوسخ
الولد اخنقته العبره والدمعه في محجر عينه
يقول ذاك اليوم بس عند باب بيتهم يبكي ولما اذن المغرب راح للمسجد يقول الرجال يقولون بس يبكي ويدعي ذا اليتيم
من بكره الصباح بدري كان قدام المدرسه مواقف سيارات كانت تجي الشاحنات الكبيره توقف فيها جاء ذا المعلم وبالعصاء يضرب الطلاب وهم داخلين للمدرسه
يقول الا ولد المعلم يوم طلع يجري قدام ابوه الا شاحنه فيها باكستاني راجعه وتضرب ولد المدرس والكفر يجي على راسه صرخو الطلاب والناس الي في الشارع يقول الباكستاني خاف قدم ومره ثانيه وطى على راس الطفل يقول الناس تصارخ والباكستاني من الخوف رايح جاي يقدم الشاحنه وياخره بس كله على راس الطفل لين صار راس الطفل متساوي بالارض قدام عين ابوه
لا حول ولا قوة الا بالله
اتخيلو كيف انقهر الابو على ولده وكيف تالم
يقول زوجي جلسنى سنه نشوف دمه ما راح يقول مخه طلع احمر يخوف منظره
وبعدها بكم يوم سافر المعلم لبلده لانه من دوله عربيه وترك البلد
والكل يقول هذي دعوة اليتيم الي جرحه واذاه
وش بيضره لو تعامل برحمه ورفق بالطلاب ولا حن على هاليتيم ولا اهانه وجرحه
دعاء عليه ذا اليتيم وجت في ولده وما بين دعوة المظلوم والله حجاب (( وعزتي وجلالي لانصرنك ولو بعد حين ))
ماسه لابسه الماسه @mash_labsh_almash
محررة فضية
يلزم عليك تسجيل الدخول أولًا لكتابة تعليق.
,,عسل ياناس,,
•
الله لاتجعلنا من الظالمين وانتصر لنا ممن ظلمونا يارب
خلهم ليش يجيبون مدرسين من دول عهربيه وشبابنا فيهم الخير والبركهخلهم ليش يجيبون مدرسين من دول عهربيه وشبابنا فيهم الخير والبركه
قبل 28 سنه ما كان فيه مدرسين سعوديين كثير الان كلهم سعوديين بس نفس الحكايه شفتي موضوع الاخت مريم
الصفحة الأخيرة