شوفي النسوان

السلام عليكم
اول شي بعطيكن فكرة عن المكان اللى عايشة فيه غرفة واحده والمطبخ مشترك مع اربع شقق عندى ولد وحامل
متحملة الوضع قلت الله بيفرجها علينا وصابرة زوجي ما اشوفه الا وقت الاكل والنوم واول ما يصحى يطلع يرجع للفطور ويطلع يرجع للغدا ويطلع او ينام يصحي يطلع يرجع للعشا يقعد اشوي عشان ولده بمجرد ينام يطلع انا انام اذا يبغا شي يصحيني ويخلص يسهر على التلفون طبعا ما يطلعني بحجه اني حامل وانا ما احب اطلع معه لان ولدي حركي اذا بهدله ضربه ويصرخ على بالشارع متحمله لان اهلي خبروه لا ترجعها لعندها عنده علم بالشي هذا يهددني اسكت ما ارد عشان ما يعصب لانه طلقني طلقه من قبل المهم انا مش حلوة واعرف هالشي اللى مضايقني يتكلم هذي حلوة هذي بيضا بنات المغرب حلوات بنات اوروبا حلوات وشقر اذا شاف ممثلة واعجبته تلاقيه طلع اسمها ومعلومات عنها ويسالي حلوة هالممثله صح هذي فيها شي غريب يلفت حتى بالمستشفي يقولي شفتي عيونها شفتي لون شعرها اسكت لاني كنت اتكلم ان اللى بالتلفزيون عمليات تجميل قال انتي تغاري ومن هالكلام المهم اليوم قالي جهزي فطور ونزل انا شفته تاخر قلت برتب غرفتي وسريري وسريرة طبعا انا لي سرير وهو سرير مفصولين قلت ليرجع لانه دايما يتاخر ويبرد الاكل وانا استني رتب ونظفت وصل نسيت طرشت له جاي تفطر لانه تاخر عشان اجهز اكلك ما رد ما شاف الاكل عصب قلت الحين بروح قال شوفي النسوان من الصبح بالمطبخ تعلمني منهن والله العظيم ازواجهن يساعدوهن غير كذا انا حامل باول شهر اخذ مثبت غير الوجع وهو عنده علم اني رحت المستشفي بسبب الوجع ورايحه عشان الوجع قلته رتبت الغرفة والله العظيم كانت حوسه الملابس بالارض والجواتي الله يعزكن وكل هالحوسه هو سواها قلته رتبت الغرفه شفتها كيف كانت وانا حامل حركتي ثقيله والنسوان اللى تقول عنهن كل واحد زوجها يساعدها قال فلانه من الصبح بالمطبخ والله العظيم الصبح زوجها يسوي الفطور يمكن صدف حظس اليوم هو سوته بما انه اجازة قلته هات وحده فيهن حامل قال اذا انتي حامل انقلعي بيت اهلج ما رديت عليه سكتت بس صدق تضايقت حامل وعايشه بغرفة والمطبخ والحمام مشترك وصابرة انا الوحيده المحبوسة بالغرفة فوق هذا يقارني بالنسوان ويتكلم عن الجمال
طولت لاني حبيت افضفض حاسه اني مخنوقه وابغي اشكي لاحد
النك مشترك خواتي