شوفي بعيونك شعرك الجديد ينبت!!

كيفكم يا بنات
انا بدي احكيلكم على خلطة انتو اعملوها وشوفوا بنفسكم وراقبوا شعركم الجديد وهو ينبت
وشوفوا كيف انه التساقط يخف وبعد فترة يوقف نهائيا
ما رح اقلكم انه بيوم وليله هدا يصير لانه الشغلة مش سحر
انما خلال فترة تعتبر مو طويلة بالنسبة لمعاناتنا رح تشوفوا الفرق
والخلطة انا مجربيتها شخصيا
انا يا بنات كان شعري كثيف للغاية وفجاة صار يهر كتير لدرجة انه وانا اتحمم يسقط بيدي خصل خصل
وصرت انام واحلم فيه كتر ما تاثرت
احب اقلكم يا بنات انه اهم شي للشعر هو الغذاء الصحي يعني حاولوا يكون فيه كمية كبيرة زيت زيتون والله هو اهم شي للشعر ويكفي انه من الشجرة المباركة
وتاني شغلة حاولوا يا بنات نفسيتكم تكون مرتاحة يعني لا تفكروا كتير وتاكلوا هم الدنيا والله انه الدنيا زايلة
العدو الاول للشعر هو التفكير والهم ومن ثم الغذاء الغير صحي
المهم نجي هلا للخلطة:
شوفوا يا بنات انا زي ما قلت جربتها وبعد شي اسبوع وقف التساقط وبعد شي تلات اسابيع لشهر صرت اشوف الشعر الجديد عم ينبت وطوله سانتي متر وبدأ يطول وبعد فترة وقفت استعمالها والله اني شفت بعض الشعر الجديد يتساقط
انتو استعملوها باعتدال يعني مو كل يوم ولا يومين
انا اول فترة استعملتها مرتين بالاسبوع لمدة شهر وبعدين ممكن مرة بالاسبوع وهي خلطة ولا اسهل
شوفوا كلكم تعرفوا زيت دابر املا
حطوا شوي منه بصحن على حسب طول شعركم واخلطوا معاه زيت باراشوت (علبته لونها ازرق)
وومعه زيت زيتون
حطوا كميات مختلفة مو شرط مقادير معينة بتلاحظوا انهم لحالهم بيختلطوا دون ما تحركوهم وبعدين ادهنوا راسكم الشعر وارض الراس ممكن لو حبيتوا وانتو عم توزعوه انه تفركوا ارض الراس فيه
وبعدين لفوا شعركم بالقبعة البلاستيك ولو ما في حطوا بشكير بعد ما تكونوا سخنتوه (شلون؟؟؟؟ سخنوا ماء وصبوه على البشكير وبعدين اعصروه ولفوا شعركم فيه )
لو فيكم تسخنوا كل فترة بيكون احسن خلوه مدة اربع لخمس ساعات
ووقت تكونوا عندكم شغل او مشوار او شي ممكن ساعتين او تلاتة على حسب
حلاوة هاي الخلطة انها بسيطة ولا تتعب وممكن تجربوها باي طريقة
جربوا يا بنات وخبروني والله انكم بإذن الله تستفيدوا
انا لما كنت احط الزيت عشعري كنت اقول بسم الله الشافي المعافي
ولو كنت استمريت عليه انا متاكدة انه كان حيوقف تساقط شعري ويرجع غزير لانه لاحظت فرق باستعماله بس العتب عالظروف
بستنى تجربوا وتحكموا
وموفقين