شوفي وشو قررت ادخلوا قولو رايكم وادعوا لي ان الله يقويني

اول شئ السلام عليكم ورحمة الله وبركاته
حبيت اسلم عليكم وابدا معاكم بقرار اتخذته انا بنفسي هذا القرار خطير مره وامي معارضته شوي بس انا مصره عليه وهو من جد فيه صعوبات لكن بنفذه بعون الكريم الواحد الاحد

اول شئ انا سيده متزوجه من اربع سنوات وعندي ولد وبنت
زوجي هو الصغير بين اخوته وعنده ثلاثة اخوان اكبر منه الاخو الثاني يعني الاكبر بعدين الاصغر متزوج وعنده 7 اطفال وما اكذب اذا قلت اطفال لان اكبرهم بنت باول متوسط وبعدها ولد بخامس ابتدائي وبعدين بنت بثالث ابتدائي واول ابتدائي وواحد بالروضه وبنت عمرها سنتين ونصف وبعدين بنت تو مولوده من شهر

ليه احكي حكايتهم ؟ لان هذا موضوعي زوجة حماي بعد الاربعين يوم توفت بسبب خطأ طبي يعني كانت محتاجه كمية دم واعطوها كميه خطا ما اقدرت وتوفت

انا وهلي كلنا مافقنا من ذي الصدمه وحماي مسكين حالته مايعلم فيها الاربه لانه هو كان يجبرها على الحمل وهي ماتقدر تستحمل بعد كل ولاده تحتاج دم

الله يرحمها ويغفر لها

المهم امها كبيره مررررررره وخواتها متزوجات انا فكرت وقررت قرار نهائي اني باخذ زوجي وولدي وبنروح نسكن معاهم وبصير لهم الام انا عارفه انهم بيتقبلوني لانهم يحبوني وانا بعد احبهم لكن هلي معترضين يقولون توك صغيره انا عمري25 وماتقدرين على سبعه وولدك ثامنهم وكيف بتعيشين مع ابوهم ببيت واحد لكن من جد حرام وكاسرين خاطري كلهم اطفال والى اليوم التاسع من وفاتها وهم يصيحون يبغونها وينادونها وعلى فكره ولدي عمره 7 شهور
ها وش رايكم ؟