شوفي وش صارلي يوم الاربعاء

السلام عليكم 0000شوفو وش صارلي يوم الاربعاء كنت مسويه حفله بسيطه لزوجي جلست يومين وانا اجهز شريتله عطر عود كان نفسه فيه وشريتله بدله من سنتر بوينت وشريت كيكه من سنابل السلام وطيت عليها شموع وحطيت عليها العاب ناريه المهم قلت بسويها يوم الاربعاء ويجي يوم الاربعاء ماراح الدوام قلت حلو يوم جاء العصر قالي بروح الاستراحه عند الشباب قلت احسن عشان اخذ راحتي يوم راح واجهز نفسي واتكشخ وازين غرفت النوم وازين الاضاءه وحركات وسرفت عييالي وماصدقت وخلصو صلاة العشاء بعد العشاء بشوي دقيت عليه قلتلو ابيك توديني عند صديقتي قال اقول شوفي اخوك يودك لان بيت اهلي قربيب مني وبيت صديقتي قربيب بعد قلتلو اخوي راح مشوار قال مولازم تروحين قلت وين وصديقتي مواعدتها الله يخليك تعال قال لاوالله معليش ماني جاي قلتلو تبغى الصدق امزح عليك ماني رايحه عند صديقتي مسويتلك مفاجئه ابغاك تجي قال اقول ماني جاي واذا عندك مفاجئه خليها وقت ثاني قلتلو جهزت كل شي جاهز لاتفشلني قال ليش ما عطيتيني خبر ماني جاي انا هنا انهرت وارسلتله رساله صدق ان ما عندك احساس ويدق يهاوش انا ما عندي احساس قلتلو ايه لو عندك احساس ما تردني قال تستا هلين ليش ما عطيتيني خبر اهم وخلصت المكالمه ومارجع الااذان الفجر اه ياقلبي بغيت اموت قهر خسرت نفسي على الفاضي ومن القهر اروح اقطع الكيكه واكل منها يوم جى عادي ولاهامه قالي انتي تستاهلين المفروض تعطيني خبر قلتلو خلاص لاعاد تفتح السيره الحق عليه مو عليك اصلا ورحت نمت ويوم قمت نضفت البيت وخلصت قلتلو ابيك توديني السوق ابغى عبايه قال لاماني موديك موانا ماعندي احساس انا هنا انفجرت قلتلو ايه ما عندك احساس واروح اجيب الهدايا وارميها عليه وقلتلو شوف ان ما عندك احساس ووخسرت نفسي عشانك صدق انك ما تستاهل واروح غرفتي واسوي مناحه وجلست اصيح من القهر بعدين قلت ليش اصيح على واحد ما يستاهل واقوم استشور شعري والبس واكشخ وطلعت الا هو فتح الهديه ما صدق يوم شاف العطر ويجي يتاسف مني ويضمني وقال والله اني كنت مشغول واحسبك تلعبين عليه المهم قالي يالله روحي البسي عبايتك بوديك مشوار ولبست وسرفنا العيال وطلعنا وانبسطنا وما رجعنا الا الساعه وحده بليل وشريت عبايه والحمدلله طلعت حق يوم الاربعاء وزياده بس مقهوره ان الي في بالي ما صار وتوبه معاد اسوي مفاجئات هذا الي صاري حبيت اوريكم معاناتي والي عندها اي تعليق تقول عادي بس من غير تجريح لو سمحتو وسلامتكم