انتي الطفل عند جيل هاليومين

اذكر وحده من البنات تقول بنت قريبتنا تقول جدتي ماعاد تنقط عليها قالت وشو قالت لا وشو ماعاد تنقط عليها

واختها علمتنا انها الدوره يعني انها عجزت ماعاد تجيها الدوره

جيل ذكي ويفهمها وهي طايره بس ياليت ننمي ذكائهم في علم وحفظ القران

اصلا الأطفال اذكى من ما نتوقعه وكل شي يخزن عندهم مخهم نظيف بسم الله عليهم .. وكل شي يعرفونه .. صدق في بعض الأطفال ما حس ان عندهم براءة الأطفال ..

على طاري الأطفال اخت زوجي عندها بنية عمرها 6 سنوات وكنت قاعدة انا وسلفتي اللي ساكنة مع اهل زوجي نسولف الا وتدخل علينا البنت وتنافخ على سلفتي وعيونها طايرة وتحط يدها على خصرها وتردح عليها انتي وراك ما غير قاعدة ومنسدحة كنك بعير وراكي ما تطبخين ..و..و..

اتاري البنت قاعدة مع امها وجدتها فوق والظاهر ام زوجي قاعدة تشتكي لبنتها عن زوجة ولدها والبنت سمعت الكلام وتجري وتقوله مثل ما سمعته بالحرف الواحد..

طبعا حنا انصدمنا منها ومن اسلوبها كنها حرمة صغيرة هههههههههههههه

المهم قامت سلفتي وسوت منها سالفة وبغت تروح لاهلها ..
وانا مسكت البنية وبغيت اضربها من حرتي عليها بس بعدين هونت وقعدت اكلمها عيب يا ماما ما يصير كدة وكانت ام زوجي واخته في قمة الإحراج ..ويوم طلعت سلفتي غرفتها جات اخت زوجي وهاتك يا ضرب لبنتها بغت تذبحها ..
بس انا ما الوم الأطفال الوم الكبار اللي يستصغروهم زيادة ويتكلمون عندهم ويعودونهم على النميمة ونقل الكلام..

الغرب يعطون اطفالهم كامل الحرية في التعبير بكل شي ولا يستحقرونهم ابد ابد ابد
وانا من اشد المؤيدين لذلك