قطرة في بحر @ktr_fy_bhr
محررة
شوف حبيبي كذا بيصير فيك اذا...
حبيباتي حوائيات حبيت اسالكم هل اهلكم حكوا لكم قصة حياتهم احس حاجة صعبة انا ما راح اقول لبناتي قصة معاناتي عشان نفسيتهم امي سولفت لي وانا اول متوسط .ابوي تزوج على امي ومارس معها انواع الظلم وصبرت وكانت امي تسوي انواع المقالب في زوجته يعني مرة حطت لها في الشامبو مزيل الشعر بس هي شمت ريحته متغيرة ومستخدمته بس امي تقول انها كانت مسويه على ابوي جدار عازل تقول زوجي اللي كنت معاه نضحك سوا ونلعب صرت مااقدر اقرب منه. المهم ان مرة في رمضان راحت امي تطلع السحور شوي والا ابوي يشيل زوجته ويدخلها الغرفة وبعد ماخلصوا جا ابوي عند امي وبدا يقهرها وصارت هوشه كبيرة وما احد تسحر تخيلوا يابنات على طول وداها المطار كانها خدامة وسفرها عند اهلها وبعدين طلقها تخيلوا الجبروت طلقها واخذني انا واختي وانا لسا ما كملت سنتين كنت ارضع من امي راحت امي ودانا ابوي عند امه جدتي الله يطول عمرها وعمتي فديتها اللي هي ام زوجي وعشنا عندهم انا واختي ودرست اختي عندهم الين ثالث وبعدين جا ابوي واخذنا من عندهم وبكينا وحزنا كانه مكتوب علينا نتعلق ونتفارق وسجلني ابوي ودرسنا انا واختي وما ادري كيف عشنا كيف نجحنا كيف كيف بس العناية الالاهية يارب لك الحمد نصحى لحالنا نروح المدرسة من غير احد يهتم فينا كانت اختي هي امي المهم ان اختي حبيتي صارت خدامة في البيت وانا اعاني من التفرقة احب اختي اللي اصغر مني ومادري ليه عمتي تتقصد تبين لي ان هاذي البنت تري اهم منك لانها بنتي لما درست بنتها صارت تصحى معها وتمشط لها وتهتم فيها وانا اطالع فيها بس ماكنت اعرف افسر المواقف ومادري ليه ابوي مايقولها شوفي البنات اهتمي فيهم او شي ولما نجحت ودانا ابوي نشوف امي كانت اختي تتذكر شكل امي انا لا ماكنت اعرف شكلها وما كنت متشوقة لها مادري ليه شفت امي وكانت حرمة غريبة تخبيت ورا اختي وماابغى اروح لامي حسيت انها غريبة مرة وناس يعرفونا واحنا مانعرفهم كان البيت زحمة وماني مرتاحة سافرنا وما سمعت منا كلمة يمه او ماما كانت تحاول انا نقولها لها بس ماقلناها لانا كنا مستحين مانا متعودين نقولها كبرت انا واختي عندي 3عيال واختي عندها خمسة كبرنا وعاشين الليي يشوفنا نضحك واحنا في كامل اناقتنا مايصدق انا عشنا كبار قبل مانكبر الهم والوحدة والخوف كبرتنا .. الكل استغرب زواج ابوي على امي لان ماكان ناقصها شي بس كانت عنيدة وابوي عصبي واحنا الضحية ابوي الحين يتعالج نفسيا بسبب اهمال زوجته الشديد كل ما نجتمع الحين في العطلة يحكي لاختي نفس معاناته قصة حياته كيف الناس محافظين على بيوتهم وهو ضيع نفسه وتزوج مرة ثالثة تزوج على عمتي وانا صف ثالث وجاب منها بنت وطلقها الحين هي ماشاء الله في الكلية اللي ابغى اقوله ان العايلة الحين كلها مافيها زواج ثاني كلهم شافوا ابوي كيف ندم على حياته زوجته ماتجتمع بالناس وبيتها وشكلها وعيالها ماتدري عنهم. الناس في عايلتنا متعاطفين معاه لانه دايم يكرر قصة حياته واهم شي ان رجالنا من العايلة وعارفين كيف عاقبة الظلم .الحين اخواني من ابوي 9واللي في الكلية من ام لحالها مرة عند ابوي ومرة عند امها حظها امها قريبة من بيت ابوي .واهم شي زوجي حبيبي عارف القصة كاملة وعارف اش بيصير لو فرط فيني الله يسخره لي يارب:44::(:44: الله يوفقكم ويسخر ازواجكم لكم يابنات حواء.ولا يذوق اطفالنا الظلم اللي ذقناه
9
1K
يلزم عليك تسجيل الدخول أولًا لكتابة تعليق.
بصراحه حزنت مره بس الحدلله ربي عوضكم وتزوجتو وجبتو اولاد
طيب امك وش اخباره
لاتنين تبرييييييين فيها
هي وابوك
طيب امك وش اخباره
لاتنين تبرييييييين فيها
هي وابوك
الصفحة الأخيرة
الله يسعدكم انتي واختج ويريحكم ياااااااااااااااااااااااااااااااااارب