شوقالت (OPERA )عن منتجات العناية بالبشرة ... تعالي شوفي

في وحدة من حلقات المذيعة اوبرا كان في كلام طويل عريض عن منتجات العناية بالشرة وجابت حريم عيايز لكن بشرتهم حلوة وسألتهم عن طريقة عنايتهم لبشرتهم وكيف انهم حافظوا عليها طول هذي المدة
وكل وحدة من العيايز قالت شو عندها .. المهم الخلاصة ان الاهتمام يبدأ من قبل ما توصل الوحدة منهم لسن الثلاثين
وبعدين سألت اوبرا مجموعة من اطباء الجلد المتخصصين عن افضل المنتجات الخاصة بالعناية بالبشرة واي نوع تختار الوحدة فينا لما تروح تشتري


:bkh:




:confused-



:S_45:





المهم





قالوا كل المنتجات اللي تحمل اسم AHA يعني اي ماركة كريم عناية بالجلد ومن ضمن محتوياته هذا الاسم (يعني في مواد التركيب)
طبعا ذكروا الجماعة هذا الاسم اختصارا لكلمة طويلة ما قدرت احفظها .. وان هذه المادة هي اللي تحافظ على البشرة وتغذيها و .. و.. و.. كلام وكلام خطير ومفيد

والشي الثاني اللي تكلموا عنه هو منتجات شركة OLAY ومدحوها وايضا اوبرا شكرت منتجاتهم لان فيها نفس المادة اللي ذكرتها سابقا ..


هذا باختصار كلام حلقة كاملة مدتها ساعة من برنامج اوبرا وياريتكم شفتوا الحلقة كنتم بتستفيدون


المهم انا دورت على الماركات اللي تحمل هذا الاسم وحصلت على ماركة لويس وايدمر عندهم منتجات تحمل اسم (AHA) اتمنى استفدتوا من موضوعي

وشكرا .... اتكلم وايد ... راس عورني . .. مع السلامة

موقع منتجات شركة لويس وايدمر


الموقع باللغة الألمانية اضغطي على حرف E في اعلى الصفحة لتتحول الى اللغة الانجليزية