هلا بحمرة الورد

الله يبارك لك في اولادك ويفرحك فيهم
انا ازيك استحي اتكلم في هالموضوع قدام الاخوات العرب اللي لهم فتره طويله ماشافوا اهلهم ..
لاني اذا شفتهم احي اني احسن حال منهم ولله الحمد
الله يفرج عنا وعنهم وعن جميع المسلمين ..

شاكره لك مرورك يالطيبه
*******
وردة عنيزه
ياقلبي عندنا وعندك خير ....الله يصلحهم تصدقين من تالي صرت اطلع لهم اشغال بالبيت يسوونه
من طبخ ونفخ وكوي ووووو حتى اعجن لهم كوكيز والا كعك والا فطاير ويالله قوموا سووا

لاني اتبع مقولة (اشغليهم لايشغلونك)

وعساهم يلهون


اقول ياحبيل قلبك مبطين عن الجذعين .....كخخخخ

*******
الاستبرق
ياهلا والله بالاستبرق والسندس ...

ياقلبي ياوليدك الله يحفظه ...حزني
الله يجمع شملكم عن قريب


الزوج مافيه مشكله بالنسبه له
لكن المشكله بهالصغار اللي يحيرون الواحد


اسعدني مرورك ياالطيبه

موضوع مهم اختي عائشه
من وجهة نظري انه لابد ان يشعر الاطفال باهمية والديك عندك واننا نبكي شوقا لهم لكن بشرط ان لايكون ذلك بشكل متكرر حتى لايؤثر على نفسياتهم
انا الصراحة كنت اذا طفشت ومليت من شغل البيت وتمنيت بس جلسة مع امي تنزل هالدموع
وياعمري هم يرحمووووووني ويحسون فيني الحمدلله
مشكوره على طرح هالموضوع

اللهم يا حي ياقيوم يا بديع السموات والأرض انك تقر عين اختي عائشه وعيوننا جميعا بشوفة اهلنا سالمين غانمين يا حي ياقيوم برحمتك استغيث، وترزقنا الاحتساب والصبر
والله ما ادري يالغالية الظاهر اني كاتبه رد بس ما لقيته ونكتب اخرى ما يخالف :)
عيوني أكيد اننا نشارك رجالنا وعيالنا بمشاعرنا من ناحية الاشتياق الاهل و جمعتهم
بس مدري ما نبكي عندهم خاصة الصغار الله يحفظهم ما يفهمون مساكين بس يشوفون الام تبكي ويبكون على بكاء امهم وبس
اتذكر اني مره كلمت اهلي و ولدي عندي وطلعت مني بتسوه (بكوه من البكاء) و يقعد يصيح ويضربني ويقول لا لاتصيحين ويصير يومه كله متنكد ولاصق فيني وخايف علي الله يحفظه
اما الكبار من 9 سنوات وفوق احس انهم يفهمون الوضع ويحسون باللي نحس به مع انه يأثر عليهم كثيير الله يحفظهم
اما ابو العيال الله يخليهم لنا نطلع كل اللي بالقلب بس احس اني اذا بكيت ينغسل اللي بقلبي ويخف كثييير الله لا يخلينا وهو يثبتك ويصبرك ونرجي من الله خير
اللهم لك الحمد كما ينبغي لجلال وجهك وعظيم سلطانك على الصحة والعافيه ونعمة الدين<< أجل وش لون الشغالات يا خياتي مالها الا الرسايل وبعيدة عن الاهل والزوج والولد ولا بعد كرف وكريف وان طاحت في ناس ما تخاف الله بعد تخيلوا حالها دايما والله اني اتذكرهم واقارن حياتي بحياتهم واحمد ربي على منه وفضله بين زوجي وعيالي ونطلع و نتمشى ووووو
الله يتمم علينا فضله

انا الحقيقة على حسب احيانا اقدر امسك نفسي واحيانا لا

ولما ابكي الاولاد يسالوني ليش زعلانة بقول لهم ماني زعلانة بس اشتقت للماما والبابا

في مرة قلت لهم انتو مو بتحبوني انا وبابا فقالوا اي قلت وانا كمان بحب بابا وماما

يعني اعتقد ان مافيها شئ يشوفوا اشيتياقك لاهلك بالعكس خليهم يعرفوا محبة الاهل كيف وما اعتقد يتعقدوا لانها مو شغلة دائمة يعني نحن موعم نبكي صباح وليل ..... هي اوقات بشيج مشاعرنا وبتنطلق دموعنا


بس القصة المحزنة الي صارت واعذريني عائشة رح اذكرها بموضوعك

كل ما ولادي سالوني وين هنن جدو والتيتا بقول لهم شفتوا الكعبة على التلفزيون هم هنيك عند الكعبة محل ما بصلوا العالم

وفي يوم زوجي قال لابني بتروح معي على صلاة الجمعة والولد طار عقله وراح وهو مبسووووط بس لما رجع كان باين عليه الاحباط ولما سالته شبك قال ما رحنا عند الكعبة ولا شفت جدو

قطع لي قلبي وحاولت بصعوبة امسك دموعي

و قلت له معلش ان شاء الله بنروح وبتشوف الكعبة وبتشوف جدو

على كل حال الله ييسر الخير للجميع ويجمع الكل مع اهله واحبايبه ...

الحساسه
ياهلا ومرحبا

زي ماتفضلتي المفروض ماتتكرر هالمشاعر قدامهم علشان ماتاثرعليهم سلبا
والله يالطيبه نتذكرهم حتى وحنا مبسوطين لكن اكيد انه وحنا طفشانين اكثر...

شاكره لك مشاركتك
**********
salwa332
يابعدي انتي الله يسعدك على هالدعوات والله يتقبل منك

اقول ياقلبي حنا وش ذبحنا الا مشاعرهالصغار الله يحفظهم...
اللي عندي تجيني بعد فتره وتخمني وتقول احببببببببببببببببببببببببببكي واحب امك وابوك ..
تقطع قلبي ياروحي هي...
ام ابو العيال اعتقد ان اظهارنا لمشاعرنا لهم يخفف شوي من الضيقه اللي حنا فيها
لاته لازم نشكي لاحد مومعقول نكبت من مشاعرنا للابد..

اما الشغالات ياعمري عمرهن ماحسينا بمعناتهم الا يوم جربنا الغربه
وشتان بيننا وبينهم حنا مع عيالنا ورجالنا ونروح نتمشى وننبسط
ونقدر نكلمهم باي وقت وماعلينا قاصر ولله الحمد...


الله يجزاك خير على مرورك يالطيبه
مع انك تقولين انك كتبتي مشاركه ولا ظهرت وكتبتيها مره ثاتيه الله يجزاك الجنه والديك
والله يجمعنا بهم عن قريب باذن الل

********