شوووو الحل؟؟؟

استعيني بالله في حل كل مشاكلك..واسال الله ان يلهمك الصبر وحسن الخلق ...

وتحمل الاذى ...واحتسبي الاجر في كل ما يصدر منهم مهما كا ن عظم المشكله ..
لانه لاخير في القطيعه بين المسلمين فما بالك بين الاقرباء ومن لهم حقوق ..........

وتعلمين اجر من وصل اقاربه وان كانوا يقطعونه.....

فنصيحتي لك لا تقاطعيهم مهما كان اصبري ..ولن يضيع الله اجرك باذنه تعالى.....
الناس الان محتاجين للتواصل اكثر فاكثر .وان كنت لا اعلم مشكلتك ..فوالله انه ليوجد مشاكل كبيره بين الناس ولكن تحل ..اذا تنازل احد الطرفين ..
لكن احنا مانتحمل شي ..الله المستعان ........تصدقين امي الله يحفظها تقول لنا مشاكل حصلت لها من اهل زوجها ...
انا اقول لها وشلون تسكتين تقول الحمد الله الي يلهمني الصبر وما شفت شر الحمد الله ..اقو لوانا مكانك لاسوي واسوي ..وقالت وبعدين وش يفيدك الغضب والعصبيه والحمق والهواش...اهم شي حسن الخلق ...

واني حاولي تقليلين من حجمها في نظر زوجك مهما كانت وقولي تعوذ من ابليس .والشيطان حريص ..ومن هذا الكلام ..منهاتكسبين اجر اصلاح ..ومنها تكبرين في عين زوجك ..لانه متعلق الامر باهله ومهما كان مايرضيه الشي هذا.وترى مافي القطاعيه خييييييييييير ابد ..اقوي يا اخيتي نفسك ..واستعين بالله ..واكثري من الدعاء........

وآآآآآآفه على الهذر الزايد....واتمنى تاخذين النصيحه....ومن عفى واصلح فاجره على الله............وش تبي اكثر من الاجر من الله؟؟؟؟؟؟؟؟؟؟؟يمكن ارجع اكمل لك...(والله الحرمة النشبه)

لاني والله حريصه انك ماتقطعينهم...............

انا مع ارياف نجدلاتقاطعينهم بس نصيحه حاولي انك تكوني رسميه لاتكثري الاحتكاك حتى يحترومنك اكثر واهم شي الابتسامه لو انك ودك تذبحينهم والخلق الخلق الحسن حتى يفشلون منك

السلام عليكم ........
أختي أنصحك بالإستعانة بالله والصبر في مثل هذه الأمور, وأنا مع أرياف نجد في كلامها جزاها الله خير وحبيت أزيد
أننا مقبلين على شهر عظيم ألا وهو شعبان الذي في منتصفه يطلع الله على العباد فيغفر لهم جميعا إلا الكفار والمتشاحنين من المسلمين فصفي قلبك عزيزتي من الزعل والحقد , ممكن راح تقولين هم باديين علي, وأنا راح أقولك ألا تريدين أن تكوني مع الفئة الذين يغفر الله لهم في تلك اليلة؟؟؟جعلنا الله وإياك وجميع الأخوات في هذا المنتدى منهم آآآآآآآمين.....
ومع العلم أن الأعمال ترفع في تلك اليلة........
وجزاك الله خيرا أختي....

اشكر جميع الاخوات اللي ردوا علي...انتو طلبتوا مني اني اكلمهم بس انا حاليا مسافره مع زوجي للدراسه يعني اللي حصل كان قبل ثلاث شهور قبل ما نسافر بأيام...وأنا دايما اطلب من زوجي ان يتصل فيهم لكن انا طبعا ما اكلمهم وحتى زوجي يقول لما نروح اجازه ما تروحي تزوريهم الا اذا اعتذروا لان الكلام اللي قالوا ما شويه خاصه انهم سبوا اهلي وطبعا هذيك الايام انا ما قصرت وخبرت اهلي يعني السالفه كبرت... وانا ما اقدر انافق احد يعني اللي في قلبي يظهر علي فكيف اكلمهم وانا شايله منهم رغم اني حبيتهم وهم كانو ينافقوني ويظهرولي الحب...(واصل المشكله ان زوجي كانوا خاطبين له بنت خاله وهو ما يريدها وبعدين فصخ خطوبته لما شافني وجلس ثلاث سنوات لحد ما اقنع اهله يجوا يخطبوني ) .....ما اعرف كرامتي ما تسمح لي اني ارجع واكلمهم عادي لان الكلام اللي قالوا كبير ....ويش رايكم؟؟؟

:(