هذي طريقة عمل مثل الشكل أدناه - مو عارفة إيش اسمه.. هو يصير زي البنجابي- بس طوله للكاحل!
أنا ألبس تحته بلوزة سوداء وبنطلون أسود.. ويطلع رائع!
الطريقة...
تحتاجين دانتيل أبيض... تقيسين طولك من الكتف ونازل وتضربينه بأثنين وزودي شوي يطلع لك عدد أمتار الدانتيل الأبيض! طبعاً أنا أخترت الدانتيل لأنه ما يحتاج أنظف أطرافه...
كلفة دانتيل أسود عريضة... تحتاجين ضعف عدد أمتار الأبيض لأنك بتثبتينه مع الجهتين يمين ويسار..
حلية ذهبية حسب الرغبة..
الأبيض اللي علي الصدر يجي لفات عند محلات الكلف هو زي البلاستك لميع.. فيه منه يثبت بالكوي وفيه بالخياطة.. طبعاً أنا أخذت اللي ينكوي أسهل لي ولأني مبتدئة في الخياطة..
في البداية
أخذت القطعة البلاستيك البيضا رسمت علي ظهرها نقشة الصدر المرغوبة.. رسمت فتحة الصدر حسب ما قستها من الكتف إلين الطول اللي تبين... أنا خليتها نازلة شوي لأني بألبس تحته بلوزة..
رسمت معينات بالمسطرة والقلم الرصاص- طبعاً المفروض تكون الرسمة خفيفة عشان ما تبين من قدام.. فرغت اللي يبي له تفريغ منها بالمشرط وكان يبي له مجهود...
جينا للمهم.. انا احتجت 3 أمتار دانتيل أبيض.. قصيتهم من النص.. خليتهم متر ونص ومتر ونص...جبت القطعة الأمامية وكويت عليها البلاستيكة البيضاء.. تنبيه عند الكي لا تخلين المكوى تجي علي القماش لأن الدانتيل ناعم وممكن يذوب من حرارة المكوى-في أماكن ما تبينه يخرب فيها- قبل لا تتثبت قطعة الصدر عليه..
طبعاً تثبتين القطعة في المنتصف بالضبط... وبعد ما تكوينها وتضبط معاك.. قصي الدانتيل الزائد من داخل فتحة الصدر...
بعدها صلي - خياطة- قطعتي الأمام والخلف من فوق ناحية الأكتاف يعني...
وخيطي الجوانب علي مسافة تناسبك بحيث يكون فضفاض أحسبي مسافة من البداية خليها بدون خياطة عشان تقدرين تدخلين يدينك.. وخيطي بعدها خط مستقيم من الجانبين...
بعدها ركبي الكلفة الدانتيل السوداء من الجوانب أمام وخلف... وثبتي الحلي الذهبية حسب رغبتك وذوقك...
وواسيه من تحت -قصي الزائد وضبطيه عشان يصير الطول من تحت متساوي..
الحركة هذي ما تكلف كثير... ومناسبة جداً لذوات الوزن الزائد أمثالي..
طبعاً انا حطيت تفاصيل كثير.. بس أنا حسيتها مفيدة للي ما يعرفون يخيطون أمثالي!
أتمني إن شغلي يعجبكم!
شاكرة قرائتكم لموضوعي إلي نهايته!
:26:
تسلم اديكى