شوية استفسارات عن وظيفة مراقبة!

أتمنى أحد يساعدني؟

مهام المراقبه
اخذ غياب الطالبات وتدوينه في سجل الغياب والاتصال على اولياء امور الطالبات الغائبات واعطاء الطالبات اشعار الغياب مراقبة الطالبات والاشراف عليهم وخروج الطالبات

ياقلبي
المراقبه مسمى الوظيفه فقط
مراقبه.. سكرتيره.. كاتبه كلها ماتفرق غير بالاسم
يعني راتبها نفس راتب اي موظف حكومي على نفس المرتبه والدرجه
بس كيف مالها رقم؟؟
لها رقم وظيفي عادي وتكونين على مرتبه
لكن اذا اللي جايب لتس الوظيفه جايبها على بند فهذا شي ثاني انا صراحه ما اعرف وش نظام البند
لكن حتى البند اشوفه درجات صاير ج وهـ ومدري ايش

من ناحية التعاقد يعني عقد مدة ترم سنه سنتين كذا فتره بس ويستغنون عنتس

لكن المعلومه المهمه ان مسمى الوظيفه مايفرق ابد في شي الا في حال كان ناسخ او امين عهده
اذا كان مسمى الوظيفه ناسخ او امين عهده هنا يكون له بدل اضافي للراتب وطبعا قليل جدا اللي يحصلون على هالمسمى

من ناحية المهام اذا مراقبة بمدرسه فمعروف شغل المراقبه غياب الطالبات ومتابعتهم
لكن يعتمد على حسب المدرسه وتوفر الموظفات فيها
ايضا ممكن يكون مسمى وظيفتك مراقبه وماتمسكين مراقبه من اساس .. تمسكين اي عمل اداري ثاني
يعني الاداريه تمسك مايسند لها من مهام على حسب الحاجه في المدرسه
لكن الاولويه لك تمسكين مراقبه اذا كان مسمى وظيفتك وما احد يبي مراقبه
او اذا كان الكل يبي مراقبه ومسمياتهم مو مراقبه

من ناحية كم الراتب اذا رسمي على حسب اي مرتبه
لكن بما انه بشهادة متوسط فراح تكون على المرتبه الثانيه او الثالثه بالكثير
وعلى حسب الدرجه
يعني اتوقع الراتب يكون الفين بالكثير ثلاثه
لكن فيه علاوه سنويه وان كانت ماتسوى لكن مع الوقت ترتفع
ويفترض بعد ماتاخذين الثانوي ترتفع المرتبه وايضا بعد ماتجلسين مدة وقدرها في المرتبه يحق لتس الترقيه للمرتبه اللي تليها
لكن المفروض شي و الواقع شي اخر
اقول لتس من الان لاتحلمين بالترقيه ولاتحطينها شي اكيد.. لان المعارف اوسخ شي لايمكن يرقون احد
اللي يدخلها يخيس على مرتبته ..بس مايضر انه تجربين اذا ما اعجبتك تتركينها


اما اذا كان على بند فالراتب راح يكون اقل
واذا عقد ما ادري صراحه كم رواتبهم


انت كملي دراستك منازل وحتى الجامعه حاولي تاخذينها عن بعد
ايضا ممكن تاخذين دورات بالكمبيوتر
اسمحي لي اقول لتس الوظيفه الحكوميه وبالمدارس بالاخص مافيها اي تطوير مكانك سررررر

الله يوفقك

حلوه ياختي لا تفرطين فيها اصبري راح تتعدل ويزيد الراتب تمسكي فيها مو لاقين حتى نص وظيفه واذا ماتبينها انا ابيها
الله يوفقك