شوية فضفضه 🥺 تعبت من كثر التفكير

السلام عليكم ..


انا يابنات في هم مايعلم فيه غير الله 💔 احس قلبي منقبض جدااً بدخل بالسالفه ع طول الخميس اللي راح جا زوجي وقالي بنروح الرياض <احنا بمحافظة خارج الرياض > المهم وافقت عشان بروح عند اهلي ورحت عند اهلي وهو راح لصديقه قال بننام الخميس وبنرجع يوم الجمعه هو بينام عند صديقه وانا عند اهلي المهم ورحنا وسهر عند صديقه لين الساعه ٣ الفجر وبعدها طلت من عند صديقه كيف عرفت لانه اخت صديقه صديقتي بالروح وصورت زوجي بالكميرا وقالت وش فيه زوجك ليه راح واخوها ضاق صدره انه راح من عنده وقال لصديقه حصلي امر طارئ ولازم اطلع المهم وطلع ٣ ورجع عند صديقه الساعه ٧ انا كلمته الساعه٧ وقلتلته كيفك وكذا ووين نمت قالي نمت مع عمال المحل حقه وانا ماصدقته ولا واحد بالميه ويابنات اخترع سالفه من طولها انا مليت منه قتلته ليه ماكلمتني وقلتلي بتنام عند العمال قال ماقدرت امسك جوالي لانه نايم مع العمال والسراير جمب بعض ويشوفون قلتله عادي يشوفون المهم غير الموضوع ولمن رجعنا البيت كان (مشتااق مره) المهم اني مسكت جواله وشفت مكلم بنات فلبينيات حقون مساج وحقون …. اكيد فهمتو علي اللي هم بنات الليل هذول كيف عرفت لاني شفت حالاتها تعرض بنات فلبينيات بقمصقان النوم وكذا ومكلمهم الساعه ٣ الفجر مكلم ثنتين والمكالمه معاهم ماتتعدى الثواني وبعدها مكلم رجال برضو فلبيني كل هاذي المكالمات مابين الساعه ٣ الى الساعه ٦ الفجر .. وانا انهرت فعليااً ماقدرت اواجهه لانه مايعرف اني معي رمز جواله .. المهم يابنات زوجي من النوع اللي مايهتم بنظافته الشخصيه ابداً ابداً يعني طلعنا من البيت وهو معرق وحالته حاله وماتروش ولمن رجعنا ريحته برضو عرق ووجهه مزيت وكذا😩😞بس رحعنا البيت كان مروووووق الف الف .. يابنات قولولي من وجهة نظركم هل ممكن يكون نايم مع هالبنات ! انا كلمت البنت هاذي وسالتها عن سعرهم تقول ٦٠٠ ريال وزوجي بخييييل ووقتها ماكان ماخذ الراتب ومارضي يعطيني مصروف الا ١٠٠ ريال بس ..بس اللي مجنني وين كان مختفي كل هالوقت ..