شوية نصائح يمكن تفيدكم ..

ايش رايكم بدل ما نستخدم اشياء كيميائية ومواد ما نعرف اصلها .. بمواد امنه وفي بيت كل وحده منا ..
مثلا : علاج جفاف الجلد :ممكن نستخدم له زيت اللوز وزيت بذور العنب وممكن بعد نستخدم زيت الخروع يفيد وااااايد في تنعيم مسمار القدم .. ايضا زيت الافوكادو.. كلها اشياء بسيطه ما فيها خلاطات وكلاكيع زيت واحد منهم وكام اسبوع وتحصلين بشرتج احلى من بشرة الهام شاهين

وعلى ذكر هالفنانه سمعت انه سر البياض واللون الاحمر.. هو انها تسوي حمام كركديه .. يعني تملا البانيو وتنقع نفسها فيه ..

وسمعت ان الايرانيات يسون نفس الشي بس بالحنه عشان تعطيهم لون برونز..

علاج انتفاخ العينين :
افضل علاج للعينين هو الثلج او ممكن نحط ملعقه صغيره بالفريزر وبعدين على العين ولا اروع ترا .. انا مجربه الموضوع وبصراحه يشيل الانتفاخ ويعطي راحه لها ..

علاج رائحة الفم الكريهه : والي ساعات تضايقج خصوصا عقب الثوم والبصل .. البقدونس والله مفعوله جدا قوي وكأنك ما كلتي شي .. مجرب وثقه صدقوني

وبس تعبت .. اريح وادور يمين وشمال واجيب اشياء سهله حق الوحده الي ما تحب اتعب نفسها وايد مثلي