صارت لي مرة انغشيت في عود وكانت نوعية العود سيئة ما أقول نص ونص

ومن ضيقة الصدر ما أدري وش أسوي فيه وفي يوم مسوية حملة جرد ونظافة على البيت خبرك تجينا هفات ع البيت نقلبه قلب

وأشوفه وأتذكر غبينتي فيه فأخذت العود وحطيته في برطمان زجاج وكان عندي عطور بخاخات ما عجبتني ريحتها جايتني هدايا

في شي ريحته قوية وشي ما ناسبني وصرت أترك ولدي يكسر غطاء العطر بالزرادية وأكب في البرطمان على كسر العود

والله أنه صار يسبح فيها وحطيتها في دولاب المطبخ اللي فوق المغسلة في زاويته في الظلام

مهوب عن خبرة لكن أبغاها بعيد شوي حتى ماينكسر ونسيته تماما

ما أدري كم جلس لكن مهوب أقل من سنة أو يمكن أكثر وأطالع وإلا كل العطورات اللي كان يسبح فيها امتصها

قلت أجرب قطعة والله وربي بيحاسبني على كل حرف أنه طلع شي خيااال

والريحة شي شي راقي وماتعرفين تحددين وشو هو بخور هو عطور الريحة شي ماينوصف

وإذا بخرت تثبت ريحة البخور في البيت وماتتغير يعني تدخلين وتطلعين مثل ماهو أول مابخرتي

ومو شرط تحطين عليه دهن عود أنا ماكان عندي إلا النوع الممتاز وتحسفت فيه عليه

فحطيت من العطور الفرنسية وسبحان الله تفاعل معها ومع البطا ماطلع بترول طلع أحسن بخور

سمي بالله وتوكلي عليه وخلطي من العطور عليه وانسيه دهر مهوب شهر وبعدها سبيني أو أمدحيني