السلام عليكم

تشكيلة رائعة تسلم يديك وبارك الله فيك وربي يحفظك وينولك ألي في بالك

والسلام

ما شاء الله تسلمى من كل شر يا رب ويحفظك انت واولادك واحفادك واهلك اللهم امين
اختى انا ليا طلب صغير عندك الجاكت البمبى البناتى اللى صدره من ورود فى المدونة انا حاولت اعمله بس كانت الوردة مختلفة فمعرفتش اشبكه ممكن تقوليلى طريقة الوردة ال ب 6 بتلات والله يرزقك الجنة

اهلا بيكي ياحبيبه قلبي


الله يعافيكي ويسلمك ياقمر ونورتيني والله


اهلااااااا حبيبه قلبي من زمااااان
وحشتيني والله--اخبارك ايه
بجد نفسي اعمل ورش كتيييير بس مافيش وقت --
باذن الله اعمل ياقمر قولي يارب


اهلا يااستاذه
انتي فين من زمان مش بتنوري القسم
والشكر لله ياغاليه


اهلا بيكي يااستاذه
ايه الهنا ده--الاساتذه كلهم هنا
تسلمي يارب والف شكر علي دعواتك الجميله
ولكي مثلها باذن الله


الله يسلمك ياغاليه والف شكر علي دعواتك الحلوه
بصي انا كنت بدات اشرحه وصورت جزء منه بس انشغلت وماكملتش
المهم انا صورت خطوات الورده
شوفيها كده
بسم الله الرحمن الرحيم
نبدأ شرح الجاكيت

اولا الخيط\استعملت خيط هملايا ناعم





والخيط بيكون مكتوب عليه رقم الابره
هنا مكتوب رقم الابر للتريكو بس غالبا بيكون سيان
يعني نفس الرقم بيمشي لابره الكروشيه

اسهم بيشير لرقم الابر وعندي هنا ابر رقم 4,5





نبدا الورده

الورده هنا بدايتها معمول بطريقه الدائره السحريه
بتعمليها ازاي؟؟
الاول بتلفي الخيط علي الاصبع كده









وتدخلي الابره في الدائره







وتسحبي بيها الخيط وتعملي 5سلاسل

بيمثلوا اول عمود +سلسلتين مسافه
معلش هنا صورت 3سلاسل بس










وبعدين تعملي عمود في الحلقه او الدائره السحريه اللي بداتي بيها










اعملي سلسلتين(-عمود -سلسلتين)وكرري حتي يكون عندك 6عمود (بما فيهم ال3سلاسل للبدايه )منتهيه بسلسلتين مسافه
ولاحظي ان ال6عمود يكونوا قبل طرف الخيط الصغير




بعد كده امسكي طرف الخيط الصغير (شوفي ايدي) وشديه
حاتلاقي الدائره بتتقفل معاكي كده








ولاحظي ان الشد حايكون في اتجاه السهم الاحمرواقفلي بمنزلقه في ثالث سلسله من ال5سلاسل اللي بدانا بيها

كده خلصنا اول سطر




السطر 2-
(غرزه حشو في اول لوب من ال6لوبات
ثم نص عمود-3عمودبلفه-نص عمود-غرزه حشو )
وكرري في كل لوب من ال5لوبات التاليه
واقفلي لبسطر بغرزه منزلقه في اول غرزه حشو في السطر

كده خلصنا اول طبقه في الورده
لعمل الطبقه الثانيه
اقلبي الورده بحيث تكوني شايفه الضهر وفي العمود اللي في سطر الاساس
تحت غرزه الحشو اللي قفلتي فيها(اول عمود في السطر يعني ال3سلاسل البدايه )
اعملي فيه غرزه حشو








ثم 4سلاسل



لاحظي ازاي الورده مثنيه في ايدي علشان انا باشتغل علي الضهر



(اشبكي ال4سلاسل بغرزه حشو حول العمود التالي ثم 4سلاسل) وكرري حتي اول غرزه حشو في السطر ده
واقفلي اخر 4سلاسل بمنزلقه في غرزه الحشو دي




وده شكلها



لاحظي ان ده ضهر الورده

---------------------------------------------------------------------------------------------------------------




بسم الله ونكمل

بعد ماقفلتي اخر 4سلاسل بمنزلقه في اول غرزه حشو
بمنزلقه ادخلي في اول لوب ثم اعملي غرزه حشو-نص عمود-5عمود-نص عمود-غرزه حشو علي اللوب ده (بداخل اللوب)






وكملي علي باقي ال6لوبات بنفس الطريقه
واقفلي بمنزلقه في اول غرزه حشو
وحايكون معاكي ورده جميله بالشكل ده









التشبيك

اقفلي واقطعي الخيط ثم اعملي ورده تانيه بنفس الطريقه
بس لما تيجي تعملي الطبقه الثانيه من البتلات
اعملي 4بتلات وفي خامس بتله ابدئي تشبيك

اعملي غرزه حشو-ثم نص عمود-ثم عمود -وفي ثاني عمود بعد ماتخلصيه اشبكيه بمنزلقه في
ثاني عمود من البتله المقابله من الورده الاولي






ولاحظي هنا اننا مش متقيدين بمكان البتله اللي بنشبك فيها من الورده الاولي
انما لما نيجي نشبك الودره الثالثه في الورده الثانيه حاتنتقيد بمكان التشبيك
بعد ماتشبكي العمود اعملي العمود اللي بعده (يعتبر الثالث) واشبكيه بمنزلقه في مثيله من الورده الاولي





وكذلك العمود اللي بعده اشبكيه في مثيله من الورده الاولي

لو راجعتي الشغل في هذه الخطوه تجدي التالي
مفروض البتله بتعملي فيها 5عمود بلفه
عملنا عمود من غير مانشبك ثم شبكنا 3عمود في ال3عمود المقابلين لهم في الورده الاولي
وكده يتبقي عمود اعمليه عادي من غير ماتشبكي
ثم نص عمود -ثم غرزه حشو
وكده خلصنا البتله دي وشبكناها
ثم شبكي البتله الاخيره في مثيلتها من الورده الاولي
ومثيلتها حاتكون البتله التاليه للبتله اللي شبكناها
كده

الله يسعدك ويهنيكى يا غالية انا مش عارفة اققولك ايه على مساعدتك ليا وانا عارفة انك مشغولة كتير الله يخليلك الامورة ليلى وكل العيلة بس انا كنت عايزة اعمله بخيط قطن علشان احنا متغربين برة والجو بيبقى برد بالليل ومحتاجاه يكون فوق الفستان هيفع ولة اجيب خيوط صوف واخليه للشتاء والله يسعدك ويفرحك:):26: