شويه فضفضه عسى من تفرجها علي مثواها الجنه

بنات حابه افضفض شوي مخنوقه وليت تردوا بذوق

قبل شوي رحت المستشفى المهم وانا راجعه البيت شفت بيوت صاحباتي والبنات اللي درست معهم ايام الجامعه كلهم تزوجوا وصاروا حريم وامهات وكل وحده بمنطقه مع زوجها وانا لسى ماتزوجت ادري السالفه قسمه ونصيب بس انا مستغربه من نفسي مملوحه وخلوقه وراعيه وربي الشاهد مو امدح نفسي لكن هذا كلام اللي يشوفني ويقولون غريبه مو متزوجه او مخطوبه لاني كبرت الحين مره

المهم انا راضيه بنصيبي بس بصراحه اتعب حييل لما افكر بالزواج يعني دايم اقول وش السبب اللي يخلي الناس مايخطبوني

وش الشي اللي يجذب الناس بالبنت اللي يخطبوها انا مره متحطمه احس اني معروفه بين الناس ومحترمه حيييل وخلوقه واحب الشغل والطبخ

بس ليه ما كاني موجوده اروح واجي محد دق باب بيتي ابد ولاعمري انخطبت هالشي ماثر حييل على نفسيتي

المشكله يابنات شلت الزواج من راسي بس تعالوا شوفوا صاحباتي سحبوا علي وتعرفون الوحده اذا تزوجت خلاص ماتصاحب عازبه وماعندنا بنات جيران وحاولت اكمل ماجستير لكن الظروف ماسمحت وماحولي معاهد او شي اشغل نفسي فيه احس بفراغ كبير بحياتي
صرت انطوائيه ثقتي بنفسي مهزوزه لاصديقات ولاوظيفه ولازواج وفراغ اعوذ بالله لعب فيني لعب وكل ماحاولت اسوي شي اعوذ بالله مايصير كان حالي ينقلب للاسوا مدري ليش

اذكر مره دخلت ع موقع لاحد المشايخ قالي بعض الاسئله وقالي حصني نفسك واقري الرقيه المهم يابنات بسالكم يعني اذا مارقيت نفسي ماراح اتزوج ولا اتوظف ولاكيف

وهل الحسد والعبن تمنع الزواج والرزق

ريحوني انا مؤمنه ان الدعاء والتحصين اقوى من كل شي وباذن الله ربي يحقق مرادي