اختي الحل ليس في تبييض بشرتها

يجب ان تبني فيها الثقة بالنفس , وانها جميلة هكذا ...
وكل واحد في الدنيا له جماله الخاص ...

ثانيا أن تربي فيها الإرادة , لتخفف من وزنها-لا لاجل تعليقات الناس ولكن لتصل إلى الوزن الصحي-
وتقاوم الاطعمه التي تسبب السمنه
كونها طفلة يكفي ان تتناول قدر بسيط من الأشياء وتسيطر على نفسها فلا تكثر ...

بهذا أنت تربي إنسانة قادرة على مجابهة النقد طوال حياتها , ذات شخصية قوية غير مهزوزة .

محاولتك تبيض بشرتها تعني : انت غير جميلة بهذا اللون سأحاول تغييره !!

سحايب الحب
والله ما دخلت هالساعة الا عشان خاطر بنتك الله يخليها لك
شوفي حكايتي بنتي الكبري سمراء مثل كل الصوماليين وذهبت الي روضة هي الوحيدة السوداء من بين اطفال شقر, وبعمر3 سنوات تقول ليش احنا اغمق من اصحابي :29: ليش ربي ما يخلينا بيض مع اني ادعي كل يوم
صراحة احنا ماعرفنا نجاوب هي صغيرة ما تفهم افريقيا والجو وغيره , قالت لنا دكتورة الاطفال لما خبرتها ان الاطفال في هذا العمر ما ينتبهون للفروق لكن الظاهر هي حساسه وقوية الملاحظة والافضل ان اوديها مدرسة عامة علشان تشوف اختلاف الالوان بين الاطفال .
اول يوم مدرسة رجعت وتقول صفي عجيب في بنت بيضه جدا تخوف و ولد اسود اكثر مني
وعرفت ان الناس الوان
جت البنت الثانية وطلعت فاتحة , والناس وتعليقهم متاكدين بنتكم موغلطانين !! مع ان نص عائلتي وعائلته سمارهم فاتح وتعقدوا البنتين الكبري تبي تصير فاتحه <<<< :23: والصغري كل يوم تبكي تبي تسمر مثلنا وانا اقول للاولي السمار حلو تبكي الثانيه اقول للثانيه لونك عسل وهات يا مناحة من الاولي لما جاني انهيار عصبي :23::11:
والحل قررنا انا وابوهم نبين محاسن كل وحدة الاولي ربي عطاها شعر طوبل وناعم مثل الهنود ما شاء الله وعيون واسعة الثانية شعرها مو ناعم وجاف فاوقف الكبيرة قدام المراية واقول شوفي شعرك ما احلاه وعيونك واظل امدح فيها واقول حتي خالاتك وعماتك فيهن الفاتحة والسمرا مثلكن وكل وحدة تختلف عن اخري والا انت بس تحبين الفاتحات والثانيه علي قد عمرها 3 سنوات, علمتها تقول لما يقولوا لها انت فاتحة اكيد مو اهلك :30:تقول ربي خلقني فاتحه وهو احسن الخالقين والا عندكم اعتراض علي حكمة ربي ,يستحون علي نفسهم ويسكتون وطعا انا كنت اسكر الموضوع كل ما فتحوه قدامهم واقول من غير حيا بعني ما في شيء غير لون بناتي غيروا الموضوع رجاءا
وصار الموضوع عادي الي ان جاء اخوهم الصغير وماذا تتوقعون.................اغمق من الجميعوهات يا تعليقات
والبنات يقولوا احنا درجات السمار كلها موجودة عندنا وما يرضوا احد يعلق عليهم ويقولوا وانت ايش تستفيد من لونا ما تقدر تغيره فسد الموضوع

حاولي تركزي علي مميزاتها وتمدحيها قدام الناس وهي تسمع علي شكلها وخلي بعض الاهل يعرفوا بالموضوع عشان يمدحوها ويقولوا مالك ضعفت طبعا من غير مبالغة وطولت وما احلاك بشعرك القصير ويحاولوا يخلقوا لديهاالشعور بالجمال
بالنسبة للملابس يمكنك خياطة كل الموديلات عند خياطة محترفة وان كلفتك اكثر

والوزن الحركة مهمة لها, خليها تشوف صور العيلة من كان متين وضعف والعكس علشان تعرف ان الناس تتغيرمع الزمن

حاولي ان تكوني قوية قدام بنتك ولا تبكي حتي لا تعتقد انها اقل منكم واغلقي الموضوع اذا احد تكلم فيه امامها

ارجو ان قصة عقدنا نفعتك, واحنا في الخدمة ;)

على قول ام حنان ما دخلني الا موضوع بنتك..

لو تشوفي شكلي شلت كل شي من قدامي وقربت الكي بورد ابغى احكيك حكايتي بالتفصيل الممل.(ترى قرأت كل الردود)

انا تربيت في عايلة تعز البياض والشقار..وكنت نوعا ما بيضا بس عيون النا س تنعمي عنك لما يشوفو احد ابيض منك ..

المهم انه كان فيه بنت في العيلة شقرا وعيونها عسلي.

وطبعا صرت انا سمرا في عيونهم وكنت نحيفة مرة كأني خارجة من مجاعة وكانت وحدة تقرب لنا دايما تقول لامي انت تأكلي اكلهم لانها كانت سمينة.

ولما جات اختي الصغيرة كل الناس يقولو هده هي بنتك حلوة ودبدوبة وبيضا .

سبحان الله ..اختي بعدين اتعقدت من السمنة ..وانا .. وانحف طبعا ..ومع العمر بان لوني ..وصار بياض ثلجي على قولك..

لكن نشأت زي بنتك مقعدة من اللون والنحف ...بس الحق ينقال كانت السخرية ماتأثر في كانت تأثر في امي اليي تغصبني على الاكل وبعدين اقنعوها تسوي لي عملية اللوز..والله طول طفولتي وانا بهدلة عشان النحف ..

وحتى لما كبرت وقربت اتزوج الكل يسخر من نحفي لدرجة اني صرت اقولهم ايوة عشان ماتقدرو تصيرو زيي ..(طبعا امي ماترضى اني اطول لساني لكن انا فاض بي)

وخلاص صارت امنيتي اني اسمن ودحين بعد الطفل رقم 3 لما سمنت اتعقدت ياريت ارجع للمجاعة زي اول ..

المهم انه عقدة اللون انتقلت للاولادي لدرجة انه ولدي الكبير في عمر بنتك قال خلاص انا اكره البيض كلهم...

قلت له وانا احب السمر عشان كدا تزوجت بابا اسمر ..(طبعا اخده على قد عقله)

ولما جيت هنا امريكا ارتحت من قرف المقارنات ..والله اني لما جبت بنتي هناك الكل قالو شكلها مرة وحششششششششة..
ولما جيت هنا وحدة شالتها وكانت بيبي وقعدت تلعبها وربي اني استغربت ..لانه هناك محد يشيلها الا يقول وحشة.

الحمد لله بنتي كبرت هنا لانه كل مانروح اجازة يقعدو ينادوها ياجاوية ..وانا هنا دايما اقولها انا احب خشمك مرة ودايما ابوسها على خشمها..

واليي مو عاجبته بنتي يروح يشرب من البحر اهم شي عندي انها سليمة غير معاقة .

كمان شعرها مرة حلو وانا دايما الفت انتباهها لشعرها ودحين بدأت تطوله ونشتري له بكلات وربطات وشرايط.وهي كمان نحيفة زي ماكنت انا واحاول اعطيها اكل مفيد زي المعجنات البر والحليب واللبن والتمور والفواكه.واقضي معاها وقت خاص نلعب بالعرايس ونسوي لهم ملابس وفرش وسرر.

ولدي كمان شعره فاتح وعمته تسميه الاشقر ..احاول الفت انتباهه لمحاسنه المهم اني اوري كل واحد فيهم انه اهم شي ايش نظرتنا لهم مو مهمة نظرة الناس ..
واحكيهم كتير عن طفولتي ..مع العلم اني كنت اسمر وحدة في اخواني..

في شي اخير ..مرة شفت برنامج في التلفزيون لاطفال كلهم سمان لدرجة انه بنت عمرها 4 سنوات وزنها 100 كيلو ايوة مية..ماغلطت في الكتابة انا ..

المهم انه الدكتور نصح امها تكتر لها الحركة وتعطيها المنتجات الخالية من الدهون ومنتجات الرجيم ..طبعا البنت ماراح تعرف الفرق لانها طفلة مسكينة..

كمان تخلصي من المشروبات الغازية واعطيها عصاير وفواكه بكترة وخليها تشرب موية كتير طول اليوم بعد الوجبة بساعة وقبل الوجبة بساعة ..ومافي شرب وقت الاكل لانه يسبب عسر الهضم ويطلع بطن..

اسفة كتير اني طولت عليك لكن والله من جد بنتك حزنتني..

بنااااااااااااااااات باركولي
بنتي نقص وزنها يجي ثلاثه كيلو وخشت فيها بعض الملابس
بدون رجيم بس غيرت اكلنا منها ينقص وزنها ومنها كمان انا اخفف لان وزني زايد كم كيلو
واشتريت لها بسكوليت وصرت اشجعها كل يوم تلعب فيه
والحلويات الغيتها نهائيا من البيت وزياراتنا للناس تجنبتها في الفتره الحاليه والله الحمد لله حتى ملامحها تغيرت شوي مع النحف اللي صار الله لايحرمني منكم ومن تشجعيكم حتى انا نفسيتي تحسنت وعلاقتي مع بنتي افضل من اول الحمد لله الحمد لله يارب


Em Tamer


شكرا حبيبتي على مرورك ومشاركتك لي وفعلا انا عاجزه عن شكر بنات حواء الطيبات

محبوبه وعسل
انا فعلا استخدمته ومشالله بان عليها بسرعه يمكن لانها طفله وصار فيها نظاره ونعومه اكثر من اول الله يجزيك الف الف خير

افنان ام عمر
شكرا حبيبتي لردك ووالله ماخلينا طريقه لتقوية الثقه الاوسويناها بس الله المستعان والله يجزيك خير حياتي

فنجان قهوه
ردك الجميل خلاني احتار وايش ارد على طيبة قلبك اللي بانت من سطورك والله جدا اسعدني كلامك اللي مثل العسل
ومااقول غير الله لايحرمني منك حبيبتي ونصايحك روعه والاروع قلبك الكبير والبوسه وصلت والله يسعد حياتك ياعيوني

Om Hanan
اتاري مو العقد عندنا وبس
الله يعين والله كل شي يهون الا هالاطفال الصغار حرام يتعذبون والطفوله هي اجمل مرحله بحيات الانسان حرام انهم يبكون فيها اويحسون بالنقص
تسلمين حبيبتي على ردك ونصايحك:26:

حمرة الورد
الله لايحرمني من هالقلب الكبير وبلعكس لاطولتي ولاشي لاني وانا اقرء كل سطر انتظر اللي بعده ووالله صادقه التفرقه هذي شكلها عندنا وبس مع ان المفروض العكس الله ينور عليك حياتي ومشكوره
:26: والورد للورد