انا استخدم تيكسوم وهذا اسمه بالانجليزي tescom ترى هو روعة

عندي من سنتين ونص الحمد لله ما صار فيه شي

هو فيه انواع كثيره من هالشركه الي عندي لونه كحلي وجهة التشغيل بنفسجي فاتح وبعد مكتوب عليه بالبنفسجي الفاتح

وترى هو مشهور بالسوق وسعره 150 ريال

بالتوفليق

السلام عليكم
بونسوار مسا الخير
هلا والله بحبيباتي
السموحه على التأخير في الرد لكن شو أسوي جهازي كان معطل
المهم ماعلينا
أول أشكركم جزيل الشكر على هذا الإهتمام المتواصل
ويزاكم الله ألف خير
بسم الله الرحمن الرحيم
نبدأ
eman-77
هلا والله إختي إيمان .. مشكورة على ردج ياحلوه
والصراحه صدقتي ناشيونال حلو بس مشكلته مايطول يعني كثر الإستخدام المشط ماله يخترب ولازم تشترين من أول ويديد سشوار عسبة المشط
وفيلبس وبروان ماجربتهم لين الحين
ويزاج الله خير .. وعلى فكره منزلين سشوار من شركة باناسونيك نفس حركة سشوار ناشيونال بو مشط
وأفكر إني أشتريه
وألف شكر لج

:27:

منبر الإخاء
هلا والله إختي ومشكورة ويزاج الله خير
بس للأسف ماحصلت هذا السشوار ولازم يكون بو مشط لأني ماأعرف أستخدم السشوار بإيد والمشط بإيد أخرى
وجذا
وألف شكر لج
:27:

نـــــــــــــوراء
هلا والله بإختي ومشكورة على الرد
ياإختي نوراء الصراحه ماحصلت هذا التيسكوم ماأدري وين ألقاه وإنتي اللي تستخدمينه بمشط ولا من دون مشط ترا أهم شي يكون في مشط ياإختي
والصراحه ماأدري وين ينباع عيزت وأنا أدور علييه
وإن شاء الله ألقاه بس ويزاج الله ألف خير وماقصرتي ياإختي
ألف شكر
أوروفوار
:27:

ناشيونال الأزرق
روووووووووووعة وأكثر من روووووووووووعة
له عدة رؤوس وعدة استخدامات:
تمليس - لف - فير - تنشيف
حلووووووووو صج
ما استغني عنه
:) :)

السلام عليكم
مرحبا والله بحبيباتي
طبعا بخبركم عن سشوار باناسونيك
بس قبل لازم أرد على الردود
بسم الله الرحمن الرحيم
نبدأ

نانوش الكويت
هلا والله بإختي نانوش مشكوره على الرد ياحلوه
وأدري إن ناشيونال وايد حلو وله عدة رؤوس بس أنا أبغي شي جديد شوي
وشكرا على كل شي ويزاج الله خير ياحبوبتي

لكن أنا حصلت السشوار والصراحه روعه وايد روعه
سشوار باناسونيك وايد وايد حلو في برأس واحد وفي بعدة رؤوس
وأنا إشتريت برأس واحد مش محتاجه للرؤوس كلها أهم شي المشط وبس
والصراحه وايد روعه وحار وسعره إذا برأس واحد 60 درهم
وسعره إذا بجميع الرؤوس 90 درهم
ووايد حلو وجربوه وأنا جربته ووايد عجبني
وسلامتكم
وإن شاء الله أفدتكم
وأشكر كل إخواتي وحبيباتي اللي نصحوني بكذا سشوار
بس لين الحين بخاطري سشوار تيسكوم ذو المشط وإن شاء الله أحصله
يالله الله كريم
أوروفوار حبيباتي
:27:

ممكن اعرف بناسونيك كم وات watt ?