هلا والله باختي جهينة..انا الي استخدمه حجر انا اسويه في البيت لكن انتي ما كتبتيلي انتي من وين؟؟ انا اشتريه من المدينة المنورة من عند العطارين ولكن فجدة في محل اسمه ابازير يبيع اثمد جاهز منقوع في ماء زمزم ونوعيته جيدة ويعطيك العافية....

غروب_الغربية

تسلمين على الرد و يخليج ربي :26:

أنا من الإمارات، هل النوع اللي عندج كثف لج رموشج؟لأني أبغي واحد أصلي و يكثف رموشي :27:

الله يسلمك اختي.. دوري على الاصلي عند العطارين الايرانيين وبالنسبة لسؤالك عن تكثيفه للرموش يكفينا حديث الرسول عليه الصلاة والسلام انه وصانا فيه فقال((عليكم بالاثمد فأنه يجلوالبصر وينبت الشعر))(((وماينطق عن الهوى ان هو الا وحي يوحى))) ويقولون انه سر حدة نظر زرقاء اليمامة كانت في كحل الاثمد ولو استخدمتيه للمولود الصغير بتلاحظين الفرق بينه وبين اللي ما اكتحل في كثافة الرموش..وتسلمين

ربي يخليج و مشكورة على الرد أختي غروب_الغربية
أنا سألتج لأاني في شي منهن مب أصلية خصوصا هذيل اللي يضيفون الهن مادة الرصاص الخطيرة
و ربي يسلمج