صدى الأشجان @sd_alashgan

كبيرة محررات

شو أحلى موقف سويتيه لزوجج وضحك عليه

خواتي كتبت هذا الموضوع وفي خاطري أعرف هل تقوم احداكن بعمل موقف لزوجها ويظل بعدها يضحك كلما تذكره .. :21:
أنا مرة سويت موقف لزوجي ولحد الحين يتذكره..

الموقف كان في القاهرة
زوجي له معارف كثير في مصر حكم عمله

و كنت أدرس وعندي فترة امتحانات وفي اليوم الأخير لنا في مصر واليوم الثاني احنا نازلين الامارات قال زوجي بيروح للصالون يحلق شوي شعره ويعدل لحيته وأنا أظل بالفندق أجهزالشنط ولما نزل هو اتصل فيني موظف الاستقبال بأن شخص اسمه سمير .... جايب هدايا لفلان ( زوجي ) فطلعها الموظف لغرفتي
وانا حطيتها في زاوية من الغرفة لحد ما يرجع زوجي

رجع زوجي من الصالون ولما دخل الغرفة شاف علب الهدايا فسألني شو هذي العلب ومن جاب كل هذي الهدايا أنا قلت ليش ما ألعب بأعصابه شوي رحت وقلت له ان في وحدة اسمها سميرة جابت هاذي الهدايا لك ..
سألني من سميرة هذي :قلت شوف انت من سميرة هذي اللي ما قادرة انها تصبر عنك وبتسافر عنها جابت الهدايا هذي لك
قال انتي غلطانة يمكن لناس ثانين
قلت له لأ هي قالت لموظف الفندق لك انت باسمك ..
قال لي خليني أنزل للريسبشن وأتأكد وصار يحلف بأنه ما يعرف وحدة اسمها سميرة ويقول لي صدقيني ما أعرف ولا وحدة حتى موظفات الجامعة اللي تدرسين فيها ما في وحدة اسمها سميرة وطول الوقت قاعد يحلف ..
وانا مسوية نفسي زعلانة وغيووورة وطول الوقت أقول له من هذي سميرة خبرني من تكون وانا أقول ليش تنزل معاي مصر وتحب مصر علشان سميرة وهو يحلف وانا أزيدج فيه وبعدين نزل للريسبشن وسألهم عن الهدايا فعطوه اسم صديقه وصعد بعدها للغرفة وقال لي الحين بتصل جدامج لموظف الفندق وبيقول لج ان الأغراض والهدايا مش من سميرة من سمير رجل وليست امرأة تدرون شو قلت له أكيد انت نزلت تحت للريسبشن علشان تتفق مع الموظف يقول هالكلام حتى أسكت عن الموضوع

قال لي يعني ما يخترب بيتي الا وانا طالع للامارات وطبعا حضرتج أول ما بتوصلين بتروحين زعلانة عند أهلج
:06:
قلت له أنا ما بروح بيت أهلي زعلانة وبكون لازقة فيك لأن هذا مقلب ..
:42:

آه ياليتكم شفتوه كيف سجد على الأرض ويحمد الله على ان هذا مقلب مش حقيقة ..

والحين دايم يقول لي كيف تجرأتي عملتي المقلب ويظل يضحك
:23:

وانا ما شاء اللله علي كنت ممثلة متقنة ما ضحكت أبد ولا حتى ابتسمت وسويت عمري من صج زعلانة ..

:44:أنا عندي قدرات في التمثيل ومواهب لكن من يقدر لو كنت أمثل كانوا بيسموني سيدة الشاشة العالمية والفضائية بس الحمدلله على كل حال
:) :arb: :27:

يلزم عليك تسجيل الدخول أولًا لكتابة تعليق.

تسجيل دخول

ام جوريه • 20 سنة

ههههههههههههههههههههه

صراحه موقف يموت من الضحك انا احب هالمواقف

بس ما اذكر لي موقف مشابه لما اذكر راح اكتب انشاء الله

rafeqat aldrb • 20 سنة

و الله حلو و العبت باعصابه بعد الله يوفقكم و يهنيكم مع بعض

دخــون • 20 سنة

الله يخليكم لبعض وفعلاااااااااا موقف من حقه زوجك ماينساااااااااه....

اناااا للان مو متزوجه بس لو صار اكيد راح نكتب لكم مواقفنا الحلوه:26:

فراشة • 20 سنة

أنا صار لي موقف مع خطيبي

كنت اكلمه في التلفون واساله عن بطاقتي الصحية
لانه هو راح يجددها

وماا دري كيف بالغلط بدل ما يقول اسمي قال فاطمه
هو قصده غلطوا في اسم العايلة وكتبوا ،، هو قال فاطمه ال..............

وهو مو منتبه

المهم انا مسكتها عليه واقوله منو فاطمه
كيف اتغلط في اسمي اكيد كنت تعرف وحده بهالاسم
(( وانا ادري انه مجرد غلط ،،،،،،، بس انا حبيت العب باعصابه ))

وهو يحلف انه ما يعرف وحده بهذا الاسم
وثاني يوم نسى الموضوع

وطرش لي مسج حلو فيه كلام حب :24:
ويقول في المسج ،،،،،،،، اسمج في القلب محفور

فرديت عليه بمسج ثاني
وقلت فيه

اكيد في القلب محفور ؟؟

ولا يمكن مكتوب فاطمه

وهو انقهر من هذا المسج
ويحلف انها كانت زلت لسان

المهم رحت بيتهم بعد كم يوم
ونحن نسولف خبرت امه عن سالفة فاطمه

وهو كان موجود

بعد ما طلعت من عندهم قال ليش تخبرين امي انت تشكين فيني ....................الخ

المسكين اتعقد :17: وانا ميته عليه من الضحك
وهو يحلف لي
اقوله خلاص والله سامحتك
وهو يزيد ويعيد في هالموضوع ويقول انت تشكين فيني وفي حبي لج

بعدين انقلبت السالفه علي وانا اعتذر اقول خلاص والله ما كان قصدي كنت امزح معاك

وبس :26:

صدى الأشجان • 20 سنة

أم جورية

انا مسلمة

دخون :أشكركم على تشريفكم للموضوع

فراشة : الله يبعد عنكم الشك ويديم عليكم السعادة والراحة :26: :26: :26: