شو أسوي عقب ما انتقلت لدبي

السلام عليكم ورحمة الله وبركاته ،،،
طبعاً بعد غياب شهر عن المنتدى رجعت لكم وأنا كلي شوق .
وأحب أشكر كل بنات المنتدى اللي ساعدوني في التجهيز لعرسي
وانشاءالله أرد لكم الجميل عن قريب .
طبعاً أنا الحين تزوجت وانتقلت لبيت زوجي في دبي وعندي مشكلة
وأبغيكم تساعدوني أنا أصلاً مب من دبي والحين كل ما استوت
مناسبة عندنا لازم أروح الصالون علشان أسشور وأسوي بديكير
ومنكير وتنظيف بشرة ولكن ما عندي فكرة وايد عن الصالونات في
دبي فياريت بنات دبي كل وحدة فيكم تدلني على أحسن الصالونات
اللي تعاملتوا معاهم ويكونون راقيين وخدمتهم زينة للبديكير والمنيكير
ومساج لحمام الزيت، وقص الشعر وصبغه وعادي عندي أتنقل
من صالون إلى صالون يعني مو شرط يكون الصالون شاطر في كل
الشغلات يعني في صالون يسوي كل الخدمات لكن هم أصلاً
متخصصين في البديكير ، وفي صالون خدماتهم عادية في كل شي
إلا في صبغ الشعر .
يعني باختصار ياريت كل وحدة فيكم تذكر لي الصالون اللي تتعامل
معاه وشو اللي هم شاطرين فيه وإذا متعودة على وحدة معينة تقوللي
اسمها ، وأنا أحب المساج لفروة الرأس وايد فياريت تدلوني على صالون
شاطر وياريت يكونون من الجنسية الصينية أو الفلبينية لأنهم شاطرين في
المساج لفروة الرأس ولاتنسون الصبغ والقص للشعر وتنظيف البشرة والبديكير
وغيرها من الشغلات .
وجزاكم الله ألف خير وفي انتظار ردودكم .

أختكم
أم عيــــــون فتـــــــانـــــــة