شو أسوي ؟؟لا اراكم الله مكروها في احد

مرت اسبوعين على وفاة امي الله يرحمها وبعدني مو مصدقة وألوم نفسي على تقصيري لأني ما زرتها قبل وفاتها توفت يوم الثلاثاء وانا آخر مرة شفتها- الله يرحمها- الجمعه , السبت ما رمت و الأحد ريلي قال بنزور اخوي عشان بيسافر والاثنين كانت عندها غسيل الكلى في المستشفى واستوالها مضاعفات وراحت في الغيبوبة في الليل وتوفت الثلاثاء الظهر--مدري كانت راضية عني ولا لا --مادري شو كان في خاطرها ----وينج يا أمي الحياة من بعدج كئيبة وصعبة والله كارهة كل شيءالبيت و العيال ونفسي والدموع ما تفارقني ---اللهم لا اعتراض بس ما اقدر أنسى تقصيري انشغلت عنها اسبوع بأعراس العائلة وما اهتميت بشعورها كانسانه عاجزة ومشلوله راقدة في مكان واحد وكانت تتصل فيني و اتقولي وينج شو تسوين اقول ادرس بنتي أو اتلبس حق العرس --و الحين اتريا اتصالها بس مستحيل ودي أحضنها واسلم عليها--ليش يا ربي ليش كنت انانيه وما فكرت فيها ؟الحين ضميري معذبني ونسيت حياتي كلها --في ناس يقولون لي ارتاحت من الآلآم لأنها مشلولة وكانت قبل في غيبوبه 3 شهور بس طلعت شهر 2 من المستشفى وتمت عايشة على غسيل الكلى ما تتحكم في جسمها ضعفت وايد بس كانت تتكلم الله يرحمها --اخواتي شو اسوي احس بموت من الحزن واهملت كل شيء حتى عيالي --واحس شيطاني اتغلب علي