شو أسوي مع هذى الحرمة؟؟؟؟؟؟؟؟؟

السلام عليكم ورحمة الله وبركاته

خواتي انا تعبانه نفسيا وللأسف مشكلتي ما اعتقد ان لها حل

تعالوا بخبركم بالتفصيل( شو أسوي مقهوره وابغي افضفض لكم)















عندي صديقة وجاره في نفس الوقت تطب علي في اي وقت بدون موعد...اتصوروا اكون راقدة
الصبح عقب مايسيرون اليهال المدرسة...وفي حلاة هذيك النومة..الا ووحدة تدق علي باب غرفة النوم دق (بتكسر الباب) انا افتكرت اليهال رجعوا من المدرسة فطنشيتهم وكملت رقادي!!!

شوي وإلا الموبايل يرن(اتركه مفتوح احتياطا لعيالي يمكن يتصلون وهم في المدرسة)

طلعت الحبيبة (صديقتي) هي المتصلة...سارت صالتي واستخدمت تليفوني واتصلت على الموبايل!!!

واقولها انا راقدة وتعبانه..تقوللي بسك رقاد تعالى الصالة انا ولهانه عليج.

بالله عليكم شو اسوي ويا وحده ماتعرف الأصول وانا مستحيل اوجه لها كلمه تحسسها ان تصرفها غلط وفي ذات الوقت مقهوره منها..وهي عادي ولا تحس بشئ

وقيسوا على هذا التصرف امور وايد...مثلا تكون عارفه اني في هذا اليوم سايره عرس ومشغوله بالتجهيز( مكياج+تسريحة) ...الخ فتتصل فيا كام مرة وتسوى عمرها تتطمن على...

وهي تزعجني وتشغلني عن اموري....وبعدين اتعج كلام وهي ماتدري انه يؤثر علي....وانا ما اقدر اقولها ليش تقولين هالكلام...طبيعتي ما احب احرج حد ولا أضايقه.


وعلى فكره هي حاولت في يوم من الأيام ان تصلح بيني وبين صديقة أخرى(حبيبة قلبي) ولكني
اكتشفت انها تقولت كلام على لساني مستحيل اقوله عن هذيك الصديقة!!!!

هالموضوع مؤرقني وايد..خصوصا ان جارتي هذه متدينة جدا ولكني لا أفهم هذا الجانب منها؟؟؟

اذا حد منكم عنده تحليل....قولولي

دلوني على طريقة للخلاص من هذا الهم.