خطرت على بالي فكره و قلت خلني اعرضها عليكم .. يمكن تعجبكم و نستفيد كلنا من بعض .. الموضوع يتعلق بالالعاب
كل وحده تحطلنا صورة اي لعبه مفيده شرتها حق اولادها و جربتها و استفادوا منها .. جذي نقدر نفيد بعض بموضوع شراء الالعاب .. اعتقد كل وحده تحب تاخذ فكره عن اي شي تبغي تشتريه ، خصوصا الالعاب .. لاننا دايما نبغي الاحسن و الافضل حقهم
فالي تقدر تصورلنا اللعبه –او حتى اطلع صورتها من النت- و تخبرنا من وين شرتها .. بنكون واااااااااااااااااااااااايد شاكرين الها
خلوني أبدأ .. هاي لعبة ال leapster خذتها حق ولدي لما كان عمره 4 سنوات .. ممتازه .. تعليميه بشكل جذاب ، ولدي حب الالعاب الحسابيه اكثر من مالت احرف الهجاء .. شريتها له لان شاف الي في سنه عندهم غيم بوي .. بس الغيم بوي بصراحه ما شفتها مفيده بس شد اعصاب على الفاضي .. على اقل هاي اهون و اتعلم شي منها
و هاي ال vetch خذتها بعد الاوليه بست اشهر .. عشانها تركب على التلفزيون فتكون اللعبه على شاشه اكبر و ما يرصص عيونه وايد
انا ما اشجع تاخذون الثنتين .. وحده منهم كفايه خصوصا انه كلهم يشتغلن على بطاريات –احيانا يصرفون- و كلهم لسن 4 سنوات الى 8 سنوات .. مع ان جربوها الي اكبر سنا بعد لما يجونا زياره .. شريتهم من مركز التعليم المبكر ، بس بعد شفتهم في محلات
:) :) :)
