ام الثلاثة .. مشكورة حبيبتي على التنبيه و الله يجعله في ميزان حسناتك و الله ما كنت اعرف و قلت الكلمة من باب العادة .. للاسف حاولت التعديل لكن ما قددرت ارجو من المشرفات تعديل مشاركتي

انا اقولها اذا خذتية فانت انانية و بياخذ عليج الثالثة اكيد و لازم تاخذ شاب مو متزوج

ما دام عندها الفرص . صج ناس ما يحلا بعينهم الا المتزوج .

مفكرة نفسها بتسيطر عليه و تملكه .... لا حبيبتي هالنوعية ما عندهم تفاهم ونفس ما غدر فيها جاي دورج.
بلا حب بلا مسخرة حلوة هاذي محترمة و تتعرف عالشباب !!!!! و لا تصيد المتزوجين بعد

وش ذنب زوجته الاولى اذا هو خانها واخذ واعطى مع هالبنت اللي بجد يبي لها ذبح والله

اعذريني اختي بس بجد في نوعيات بنات _ وعذرا على التعبير_ يبون لهم قص ارقاب

يعني خلصوا الرجال الا هذا المتزوج!!

كيف سمحت لنفسها تكلمه اول شي وهو متزوج يعني خاين لزوجته يعني زود على الطين بله وكيف تسمح لنفسهه تهدم بيت علشان راحتهه وحبهه الصراحه هاي انانيه خلي تخلي روحهه في مكان الزوجه الاولى راح ترضاهه على روحهه

من جد شي يعور القلب ..

الله يعين زوجته بصراحة لاني اشوفه رغم ان قريبتك معجبه فيه وراضيه تتزوجه الا اني اشوفه مايستحق الاحترام هذي وجهه نظري ..

وللي موافقه عليه لازم تفكر انها ( دقه بدقة وان زدت زاد السقا )) واتصور قصة هالمثل معروفة والله لو كل انسان يتذكره دوم كان ماغلطنا ابد لابحق انفسنا ولابحق احد ..

انا اشوف انها لازم ماتوافق لان الزواج مو مجرد حب او مجرد تفاهم ..

الزواج ممكن يستغني عن كل شي الا عن الاخلاص ..

واللي خان زوجته الاولى يخونها هي بعد ..

واللي يتزوج مرتين يتزوج ثلاث واربع ..

الله يستر بس ..

تحيتي

انا بصؤاحه ما قدرت اقرا الموضوع من دون ما ارد.
بس فيه نقطه مره مهمه يمكن ما احد تكلم عنها ,,,
صديقتك هذي او اختك .. مشكلتها الاساسيه ميب في الزواج من هذا الرجل ..
لا مشكلتها انها واثقه زياده عن اللزوم في نفسها .. و انتم الي حولها مشجعينها على كذا ..
لس من قال ان فيه بنت ما تحب و لا ما تميل لاحد حتى لو كان بالشكل .. البنات مرهفات و حساسات و اي كلمه حلوه تميل روسهم .. لا تقولين لا هي غير و ما فيه احد مثلها .. لا فيه بنات اسهل من بنات لكن القاعده عامه ...
لاحظي نفسك و انت تتكليمن عنها .. خليتهيا فوق الناس و تحت الله .. هي ما فيه احد يلعب عليها .. هي ما تحب تكلم شباب .. هي غير .. هي شخصيتها قويه .. هي و هي و هي ..

اختي هي انسانه عاديه جدا .. و يمكن يكون اقل من العاديه لانها ما عاشت حياة طبيعيه .. ما اقصد من ناحيه الاهل او الرتبيه لا .. اقصد ما اخذت مجرى الحياة الطبيعي .. من اعتدال في الشخصيه و احترام رأئي الاهل و الاخذ بالمشوره .. ما حاولت تتعرف على الشباب الي جايين يطلبونها للزواج عن طريق اهلها .. و اخذت و اعطت معهم .. كيف عرفت انهم ما يناسبونها اذا هي ما حاولت تسوي نفس العلاقه الي سوتها مع هذا المتزوج معهم ..

طبعا العلاقه هذي كلها غلط في غلط .. لانها حرام و ما تجوز .. بس اقول يوم انها مقتنعه بهذا النوع من العلاقات ليش ما عطت غير هذا الشخص فرصه .. شخص يكون جاي بنية الخطبه .. مو كان احسن ..

عفوا بس الاخت هذي متمرده ,. و يمكن يكون السبب كبت عانت منه في ايام طفولتها او اثمله سيئه لمعامله المرأه خلتها تحس انها هي غير و انها ما راح تسمح لنفسها انها تصير مثل فلانه و علانه ..

اذا صديقتك او اختك .. هذي شخصيتها فعلا قويه و مثقفه و لا ينلعب عليها .. فا الاكيد انها ما راح تناسبها هذه العلاقه مع الزوج و لا زواجه منها .. ليش لان الزوجه الثانيه لازم تكون لها اذن من طين و اذن من عجين .. و تصير انا لا اسمع لا ارى لا اتكلم .. لان حياتها راح تكون كلها مشاكل و غيره ... و لازم يكون فيها صبر اكثر من الطبيعي .. لانها ما راح تعيش مدلله مثل ما تعودت .. و لا راح تلقى الي يمدحها كل ما تسوي شي و يقول لها ما فيه احد مثلك فا ها العالم و انت الذكيه القويه الي ما ينلعب عليك .. لا كل الي راح تسمعه هو اصبري ان شاء الله .. يصير خير .. و ان فكرتي تنغصين عليه عيشته و لا زعلتي قال بالطقاق .. عندي الي ترضيني .. الي هي زوجه الاولى .. انت حاسه بالحرقه .. انك كل ما تزعلينه يطلع و يسكر الباب وراه لانه زعلان .. و انت تجلسين تحتمسين في البيت و هو راح لزوجه و لقى من ياخذ بخاطره .,. و نسى وجودك !!! و شوي شوي تقولين لا لازم اكسبه و تحاولين تتغاظين عن كل خطا يسوسه لين ما تطقين من القهر بس ما تقدرين تقولين شي لانه ان قلتي شي راح لها ..


اختي الي شخصيتها قويه ما ينلعب عليها هي الي ما تحط نفسها في هذه المواقف .. و لا تسمح لاحد انه يستغلها .. ليش هو فرح اول حياته بزوجه له هو و بس .. و انت اول حياتك تصير جوار ... !!!!

الشي الثاني وشي مشكال العائله الي ما حلها الا هي و هو ؟ يا سلام افراد العائله كلهم نايمين و هم حلالين المشاكل .. ليش هي عمده العائله و هي النائب ؟
بصراحه غريبه انك توصفينها بقويه الشخصيه .. هذي ضعف شخصيه انها تظهر للناس غير التبطنه .. انها ما احد يلعب عليها و ما احد يقدر يغلبها .. و في الحقيقه هي كلمه توديها و كلمه تجيبها ..




اسفه اختي ادري اني قسيت على صديقتك او اخنك كثير .. لكن من جد هذا تصوري للموضوع .. و انت طلبتي انك تسمعين ارأئنا ..
ان شاء الله ما اكون زعلت .. و يمكن الي خلاني اكون قاسيه شوي .. ان الكلام مو موجه لك لا لصدقيتك ..

سامحيني اختي .. و ان شاء ا لله ربي يستر عليها و يرزقها بالي احسن منه ..
:26:

انا بعد ما انصحها انه لا ترتبط فيه لانه زوج خائن .. حتى ولو كان مو مرتاح معاها ابدا ..

واللي يخون زوجته الاولى ما بعيد عليه يخونها .. والمفروض انها ما تدخل فيه دام انها

عارفه انه متزوج .. والله اني مستغربه منها كيف توثق فيه ..

الغلط عليها وعليه .. لانها المفروض ما تعطيه وجه من البدايه وبالذات تعرف انه متزوج ..

ومنهم من المتزوجين يدخلون في علاقه على انهم عزاب .. وبعد ما تتعمق العلاقه وتصير قويه

ينكشف الستار .. مما تضطر انها تتقبل بالوضع ..


الله يهديهم بس ..
:27: